ବୌଦ୍ଧ,୨୪/୧୨ – ଗତକାଲି ବିଳମ୍ବିତ ରାତିରେ କଣ୍ଟାମାଳ ବ୍ଲକ ଯୋଗିନ୍ଦ୍ର ପୁର ଗ୍ରାମ ପଞ୍ଚାୟତର ଶାନ୍ତିପାଲି ଗ୍ରାମରେ ଛେଳି ଗୁହାଳରେ ନିଆଁ ଲାଗି ୪୦ ଗୋଟି ଛେଳି ନିଆଁରେ ପୋଡି ମରି ଯାଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ରାତିରେ ସମସ୍ତେ ଶୋଇଥିବା ବେଳେ ଶାନ୍ତିପାଲି ଗ୍ରାମର ଶମ୍ଭୁ କହଁରଙ୍କ ଛେଳି ଗୁହାଳରେ ଅଗ୍ନିକାଣ୍ଡ ଘଟିଥିଲା । ଫଳରେ ଗୁହାଳ ମଧ୍ୟରେ ଥିବା ପ୍ରାୟ ୪୦ ଗୋଟି ଛେଳି ପୋଡି ପ୍ରାଣ ହରାଇଥିଲେ । ଗ୍ରାମବାସୀ ନିଆଁକୁ ଆୟତ୍ତ କରିଥିଲେ ମଧ୍ୟ ଗୁହାଳ ସଂପୂର୍ଣ୍ଣ ଭସ୍ମୀଭୂତ ହୋଇଯାଇଛି । ଶମ୍ଭୁ କହଁର ଜଣେ ଗରିବ ମେଷପାଳକ ହୋଇଥିବା ହେତୁ ତାଙ୍କୁ ସରକାରୀ ସହାୟତା ଯୋଗାଇ ଦେବାକୁ ଜନସାଧାରଣରେ ଦାବି ହେଉଛି ।
