ବୌଦ୍ଧ,୩/୧ – ଜାତୀୟ ରାଜପଥ ନମ୍ବର ୫୭ର ବୌଦ୍ଧ ଓ ନୟାଗଡ ଜିଲ୍ଲା ସୀମାନ୍ତରେ ବସ୍ସହ ବାଇକ ଧକ୍କା ହେବା ଫଳରେ ୨ ଜଣ ବାଇକ ଆରୋହୀ ଗୁରୁତର ଆହତ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ବୌଦ୍ଧରୁ ଭୁବନେଶ୍ୱର ଯାଉଥିବା ଘରୋଇ ଯାତ୍ରୀବାହୀ ବସ୍ ବିଶାଖା ଭୁବନେଶ୍ୱରରୁ ବୌଦ୍ଧ ଆସୁଥିବା ବେଳେ ସନ୍ଧ୍ୟା ପ୍ରାୟ ୬ ଘଣ୍ଟା ସମୟରେ ଜାତୀୟ ରାଜପଥ ନମ୍ବର ୫୭ର ବୌଦ୍ଧଜିଲ୍ଲା ସୀମାନ୍ତ ବାଣୀଗୋଛା ନିକଟରେ ଏକ ବାଇକ ସହ ଧକ୍କା ହୋଇଥିଲା । ବାଇକ ଚାଳକ ଭାରସାମ୍ୟ ହରାଇ ବସ୍ପଛରେ ଧକ୍କା ଦେଇଥିବା ଜଣାପଡିଛି । ଗୁରୁତର ଆହତ ଦୁଇ ବାଇକ ଆରୋହୀଙ୍କୁ ପ୍ରଥମେ ଦଶପଲା ଓ ପରେ ନୟାଗଡ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ଦୁର୍ଘଟଣା ପରେ ବସ୍ ସହ ଡ୍ରାଇଭର ପୁରୁଣାକଟକ ଥାନା ଆଡେଣିଗଡ ଫାଣ୍ଡିରେ ସମର୍ପଣ କରିଥିଲେ । ବାଣୀଗୋଛା ପୋଲିସ୍ ଆଡେଣିଗଡ ଫାଣ୍ଡିରେ ପହଞ୍ଚି ଦୁର୍ଘଟଣା ସମ୍ପର୍କରେ ତଦନ୍ତ କରୁଛି ।
