ବୌଦ୍ଧ,୫/୧-ମନମୁଣ୍ଡା- କଣ୍ଟାମାଳ ରାସ୍ତାର ଅଁଳାଚୁଆଁ ନିକଟରେ ଭାରସାମ୍ୟ ହରାଇ ବାଇକ ଦୁର୍ଘଟଣା ହେବାରୁ ଦୁଇ ଜଣ ବାଇକ ଆରୋହୀ ଗୁରୁତର ଆହତ ହୋଇଥିବା ଜଣାପଡିଛି l ମିଳିଥିବା ସୁଚନା ଅନୁଯାୟୀ କଣ୍ଟାମାଳ ଥାନା ଘୁଲୁଘୁଲାପଦର ଗ୍ରାମର କବିତା ନାଏକ (30) ଓ ଗୁଞ୍ଜିତୋରା ଗ୍ରାମର ଗୀତା ଦୀପ (21) ନିଜ ଭାଇଙ୍କ ସହ ଏକ ବାଇକ ଯୋଗେ ସୋନପୁର ଜିଲ୍ଲା ଠକପାଲି ଗ୍ରାମକୁ ଆସୁଥିଲେ l ଅଁଳାଚୁଆଁ ନିକଟ ବୁଲାଣିରେ ଥିବା ହମ୍ପସ୍ ଉପରେ ବାଇକରେ ବସିଥିବା ଦୁଇ ଭଉଣୀ ଭାରସାମ୍ୟ ହରାଇ ଖସି ପଡିଥିଲେ l ଖବର୍ ପାଇ କଣ୍ଟାମାଳ ଦମକଳ ବାହିନୀ ସେମାନଙ୍କୁ ଉଦ୍ଧାର କରି କଣ୍ଟାମାଳ ଡାକ୍ତରଖାନାରେ ଭର୍ତ୍ତି କରିଥିଲା l ଅବସ୍ଥା ଗୁରୁତର ଥିବାରୁ ତାଙ୍କୁ ସୋନପୁର ଡାକ୍ତରଖାନାକୁ ଡାକ୍ତର ରେଫର କରିଥିଲେ | ଏ ରାସ୍ତାରେ ବିଭିନ୍ନ ସ୍ଥାନରେ ବଡ଼ ବଡ଼ ହମ୍ପସ୍ ମାନ ଥିବାରୁ ଅନେକ ଛୋଟ ବଡ ଦୁର୍ଘଟଣା ଘଟିବା ସାଧାରଣ ଘଟଣାରେ ପରିଣତ ହୋଇଛି | ପୂର୍ତ୍ତ ବିଭାଗ ବେଆଇନ ହମ୍ପସ୍ ଗୁଡିକ ଚିନ୍ହଟ କରି ସେଗୁଡିକ ଅପସାରଣ ପାଇଁ ଜନସାଧାରଣରେ ଦାବି ହେଉଛି |
