ବାଲିଗୁଡା,୮/୧- କନ୍ଧମାଳ ଜ଼ିଲା ତୁମୁଡିବନ୍ଧ ବ୍ଲକର କୁର୍ତମଗଡ଼ ଠାରେ ମଣିଙ୍ଗଷ୍ଟାର ସଙ୍ଗଠନ ତରଫରୁ କୂର୍ତ୍ତମଗଡ଼, କରୂକୁଡୁପା, ମୁଣ୍ଡୀଗଡ଼ ପଂଚାୟତ ଓ ବାଲିଗୁଡା ବ୍ଲକର ଦଡକଙ୍ଗିଆ ଓ ପରମପଙ୍ଗା ପଂଚାୟତର ଅତ୍ୟନ୍ତ ଗରିବ ବୃଦ୍ଧ, ବୃଦ୍ଧାମାନଙ୍କୁ ଶୀତଦିନକୁ ଲକ୍ଷ୍ୟକରି କମ୍ବଳ ବଣ୍ଟନ ସଂଗଠନର ମୁଖ୍ୟ ଅଜିତ କୁମାର ଦିଗାଲଙ୍କ ଦ୍ୱାରା କରାଯାଇଛି । ପ୍ରତିବର୍ଷ ଏହିପରି ଜନହିତ କାର୍ଯ୍ୟ କରି ଆସୁଥିବା ସଂଗଠନ ଓ ସଙ୍ଗଠନର ମୁଖ୍ୟଙ୍କୁ ଗ୍ରାମବାସୀ ଏବଂ ବୁଦ୍ଧିଜୀବୀ ମହଲରେ ପ୍ରଶଂସା କରି ଆଗକୁ ଏହିପରି ଅନେକ କାର୍ଯ୍ୟ କରିବାକୁ ଉତ୍ସାହିତ କରାଯାଉଛି । କମ୍ବଳ ଗ୍ରହଣ କରିଥିବା ବୃଦ୍ଧ ବୃଦ୍ଧାମାନେ ଅତ୍ୟନ୍ତ ଖୁସି ହେବା ସହ ଶୀତରେ ଏହା ଅତି ଉପକାରୀ ଅଟେ ବୋଲି କହିଛନ୍ତି । ଅତି ଦୁର୍ବଳ ଥିବା ବୃଦ୍ଧ, ବୃଦ୍ଧା ଓ ଦିବ୍ୟାଙ୍ଗ ମାନଙ୍କ ଘରକୁଘର ଯାଇ ସଙ୍ଗଠନର ମୁଖ୍ୟ ଓ କାର୍ଯ୍ୟକାରୀମାନେ କମ୍ବଳ ବଣ୍ଟନ କରୁଥିବା ଦେଖିବାକୁ ମିଳୁଛି ।
