ବୌଦ୍ଧ,୧୨/୧- ଆଜି ସକାଳ ଘ. 9. 30 ମିନିଟ ସମୟରେ ଜାତୀୟ ରାଜପଥ ନମ୍ବର 57ର ଆଡେଣିଗଡ ନିକଟରେ ଏକ ଧାନ ବୋଝେଇ ମିନି ଟ୍ରକ ଭାରସାମ୍ୟ ହରାଇ ଓଲଟି ପଡିଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ମିନି ଟ୍ରକ ଓଡ଼ି 02 ବି.ଏନ. 0259 ବଡମ୍ବାରୁ ଧାନ ବୋଝେଇ କରି ପୁରୁଣାକଟକର ଏକ ଧାନ ମିଲକୁ ଯାଉଥିଲା l ଜାତୀୟ ରାଜପଥ ନମ୍ବର 57ର ପୁରୁଣା କଟକ ଥାନା ଆଡେଣିଗଡ ଗ୍ରାମର ଗଣେଶ ବଜ଼ାର ଛକଠାରେ ଜଣେ ବାଇକ ଆରୋହୀଙ୍କୁ ବଞ୍ଚେଇବାକୁ ଯାଇ ଭାରସାମ୍ୟ ହରାଇ ଓଲଟି ପଡିଥିଲା l ଗାଡ଼ିରେ ଥିବା ଡ୍ରାଇଭର ଦୁର୍ଘଟଣାରୁ ବର୍ତ୍ତି ଯାଇଥିବା ଜଣାପଡିଛି l ଆଡେଣିଗଡ ପୋଲିସ ଘଟଣା ସ୍ଥଳରେ ପହଂଚି ତଦନ୍ତ ଚଳାଇଥିବା ଜଣାପଡିଛି ।
