ବୌଦ୍ଧ,୧୩/୧- ବୌଦ୍ଧବ୍ଲକ୍ ଶଗଡା ଗ୍ରାମ ପଞ୍ଚାୟତ ଶରଧାପାଲି ଗ୍ରାମର ପ୍ରାଥମିକ ବିଦ୍ୟାଳୟ ଖେଳ ପଡିଆରେ ମା କନ୍ଧେନବୁଢୀ ଯୁବକ ସଂଘ ଆନୁକୁଲ୍ୟରେ ମା କନ୍ଧେନବୁଢୀ ଭଲିବଲ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି । ସ୍ୱାମୀ ବିବେକାନନ୍ଦ ଜୟନ୍ତୀର ଉଦଯାପନ ସମାରୋହ ଅବସରରେ ଅନୁଷ୍ଠିତ ଭଲିବଲ୍ ଟୁର୍ଣ୍ଣାମେଣ୍ଟ ଦୁଇ ଦିନ ଧରି ଆୟୋଜିତ ହୋଇଥିଲା ଓ ମୋଟ୍ ଆଠଟି ଦଳ ଅଂଶଗ୍ରହଣ କରିଥିଲେ । ଫାଇନାଲ ମ୍ୟାଚରେ ନ୍ୟୁ ଷ୍ଟାର ସୋନପୁର ୩. ୦ ପଏଣ୍ଟରେ ଆନନ୍ଦପୁର (ବୌଦ୍ଧ )କୁ ହରାଇ ଚାମ୍ପିଆନ ହୋଇଥିଲା । ଅତିଥି ଭାବରେ ସରପଞ୍ଚ ବାସନ୍ତୀ ଦନ୍ତା ମୁଖ୍ୟ ଅତିଥି ଭାବରେ ଯୋଗ ଦେଇଥିବାବେଳେ ସମ୍ମାନିତ ଅତିଥି ଭାବରେ ସମାଜସେବୀ ବିପିନ୍ ପ୍ରଧାନ, ସୁଶୀଲ କୁମ୍ଭାର ଓ ମୋହନ ମାଝୀ ଯୋଗ ଦେଇଥିଲେ । ମ୍ୟାଚ୍ ଆୟୋଜନରେ ପ୍ରଧାନ ଶିକ୍ଷକ ସୁବଳ ଚନ୍ଦ୍ର ବାରିକ ଓ ଗ୍ରାମର ସମସ୍ତ ଭଲିବଲ ପ୍ରେମୀ ସହାୟତା କରିଥିଲେ ।
