ବୌଦ୍ଧ,୧୬/୧- ବୌଦ୍ଧ ବ୍ଲକ୍ ବଘିଆପଡା ଗ୍ରାମ ପଞ୍ଚାୟତର ବ୍ରାହ୍ମଣୀପାଲି ପଡିଆରେ ଗତ 7 ଦିନ ଧରି ଅନୁଷ୍ଠିତ ହୋଇଥିବା ମା ଲଙ୍କେଶ୍ୱରୀ କ୍ରିକେଟ୍ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି | 16 ଗୋଟି ଦଳକୁ ନେଇ ହୋଇଥିବା ଏହି ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚ୍ ମେହେର ସ୍ପୋଟିଂ ବାଉଁଶୁଣୀ ଓ ଦୁର୍ଗା ଦେବୀ ଟିମ୍ ମଧ୍ୟରେ ହୋଇଥିଲା ଓ ମେହେର ସ୍ପୋଟିଂ ଚାମ୍ପିଆନ ହୋଇଥିଲା | ମୁଖ୍ୟ ଅତିଥି ଭାବରେ ପାଲଝାର୍ ଜବାହର ନବୋଦୟ ବିଦ୍ୟାଳୟର ଶିକ୍ଷକ ପତି ସାର୍ ଓ ଅନ୍ୟତମ ଅତିଥି ଭାବରେ ସମାଜସେବୀ ପବିତ୍ର ମୋହନ ଦୀପ , ସଂଜୀବ ପ୍ରଧାନ ଯୋଗ ଦେଇଥିଲେ | ମାନସ କନ୍ହର୍ ଓ ହିମାଂଶୁ ପ୍ରଧାନ ଟୁର୍ଣ୍ଣାମେଣ୍ଟରେ ଆମ୍ପାୟର୍ ଭୁମିକା ତୁଲାଇ ଥିବା ବେଳେ ନାରୟଣ ସୁନା ସ୍କୋରର୍ ରହିଥିଲେ l ଚିନ୍ମୟ ବାଘ ଧାରା ବିବରଣୀ ପ୍ରଦାନ କରିଥିଲେ | ମା ଲଙ୍କେଶ୍ୱରୀ କ୍ରିକେଟ୍ କ୍ଲବ୍ ର ସମସ୍ତ ସଦସ୍ୟ ସହଯୋଗ କରିଥିଲେ |
