ବୌଦ୍ଧ,୧୬/୧- ଆଜି ବୌଦ୍ଧବ୍ଲକ ମୁର୍ଷୁଣ୍ଢି ପଞ୍ଚାୟତ କଣ୍ଟୁଆଣି ଗ୍ରାମରେ ଅଗ୍ନିକାଣ୍ଡ ଘଟି ଜଣେ ଚାଷୀଙ୍କ ଧାନ ଖରୀ ପୋଡି ଭସ୍ମୀଭୂତ ହୋଇଯାଇଛି । ମିଳିଥିବା ସୂଚନା ଅନୁଯାୟୀ କଣ୍ଟୁଆଣୀ ଗ୍ରାମର ଚାଷୀ ସତ୍ୟ ପ୍ରଧାନ ନିଜ ୨ ଏକର ଜମିରେ କରିଥିବା ଧାନ ଶସ୍ୟ କାଟି ଖଳାରେ ଖରୀ ମାରି ରଖିଥିଲେ । ଆଜି ସକାଳ ପ୍ରାୟ ଘ ୧୧. ୩୦ ମିନିଟ ସମୟରେ ହଠାତ୍ କୌଣସି କାରଣରୁ ଖଳାରେ ନିଆଁ ଲାଗି ଯାଇଥିଲା । ଚାଷୀ ଓ ସ୍ଥାନୀୟ ଲୋକେ ନିଆଁ ଲିଭାଇବା ପାଇଁ ଚେଷ୍ଟା କରିଥିଲେ ମଧ୍ୟ ଧାନ ଖରୀ ଜଳି ପୋଡି ଭସ୍ମୀଭୂତ ହୋଇଯାଇଥିଲା । ଖବରପାଇ ବୌଦ୍ଧ ଦମକଳ ବାହିନୀ ପହଞ୍ଚିଥିଲା ।
