ପାଟଣାଗଡ,୧୬/୧- ବଲାଙ୍ଗିର ଜିଲ୍ଳା ପଟଣାଗଡ ଉପଖଣ୍ଡ ବେଲପଡା ବ୍ଳକ ତେନ୍ତୁଳି ମୁଣ୍ଡାର ସ୍ପାଟାନ୍ କ୍ଳବ ଆନୁକୂଲ୍ୟରେ ୧୮ତମ ଫୁଟବଲ ମ୍ୟାଚ ଅନୁଷ୍ଠିତ ହୋଇଯାଇଛି । ଆଜି ୫ମ ଦିବସରେ ସେମି ଫାଇନାଲର ପ୍ରଥମମ୍ୟାଚ ତେନ୍ତୁଳି ମୁଣ୍ଡା ବନାମ କଲଚିକଚ୍ଛାର ମଧ୍ୟରେ ହୋଇଥିଲା । ଏଥିରେ ୧-୦ ଗୋଲରେ ତେନ୍ତୁଳିମୁଣ୍ଡା ବିଜୟୀ ହୋଇଥିଲା । ସେହିପରି ଦ୍ୱିତୀୟ ମ୍ୟାଚଟି ମଧ୍ୟପୁର ବନାମ ମୁଣ୍ଡାଗାଁ ମଧ୍ୟରେ ଅନୁଷ୍ଠିତ ହୋଇଥିଲା । ଏଥିରେ କେହି କାହାରିକୁ ଗୋଲ ଦେଇପାରିନଥିଲେ । ଫଳରେ ପେନାଲଟିର ସହାୟତା ନିଆଯାଇଥିଲା । ପେନାଲଟିରେ ମୁଣ୍ଡାଗାଁ ମଧ୍ୟପୁରକୁ ୧-୦ ଗୋଲରେ ପରାସ୍ତ କରିଥିଲା । ଏହି ଖେଳକୁ ବିଜୟ ଖମାରୀ, ପ୍ରଭୁଦାସ କୁମ୍ଭାର, ଧବଳେଶ୍ୱର କଠାର ପରିଚାଳନା କରିଥିବାବେଳେ ଜୟରାମ ମେହେର, ହାଇସ୍କୁଲ ପିଇଟି ଅନ୍ତର୍ଯ୍ୟାମୀ ଯୋଷୀ, ଦେବେନ୍ଦ୍ର ନିମାଲ ଏବଂ ପାଟଣାଗଡ ବିଇଓ କାର୍ଯ୍ୟାଳୟର ମୋହନଚନ୍ଦ୍ର ମେହେର ଅତିଥି ଭାବେ ଯୋଗଦେଇ ଖେଳାଳୀଙ୍କୁ ଉତ୍ସାହିତ କରିଥିଲେ । ଧାରାବିବରଣୀ ଗୋଲାପ କୁମାର ବିଶ୍ଲାଳ ପ୍ରଦାନ କରିଥିଲେ । ମ୍ୟାଚର ସଭାପତି ଭୂପାଲ ସିଂ ବିଶ୍ୱାଲ, ସଂପାଦକ ଜଗନ୍ନାଥ ବନଗୁଲା, ଲିଲୁଧର ଭୋଇ, ଲୁଲୁରାମ ମଲ୍ଲିକ, ସୁଦାମ, ଡୋଳାମଣି, ବଣ୍ଟି, ଅନ୍ତରାମ ପ୍ରମୁଖ କ୍ଲବ ସଦସ୍ୟମାନେ ସହ ଯୋଗ କରିଥିଲେ । ଆସନ୍ତାକାଲି ଫାଇନାଲ ମ୍ୟାଚ ତେନ୍ତୁଲିମୁଣ୍ଡା ବନାମ ମୁଣ୍ଡାଗାଁ ମଧ୍ୟରେ ଅନୁଷ୍ଠିତ ହେବ ।
