ପାଟଣାଗଡ,୧୮/୧- ବଲାଙ୍ଗିର ଜିଲ୍ଲା ପାଟଣାଗଡ ଥାନା ପରିସରରେ ବଲାଙ୍ଗିର ପୋଲିସ ପକ୍ଷରୁ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏହି ଶିବିରକୁ ବଲାଙ୍ଗିର ଏସ୍ପି ନୀତିନ ଡୁଗୁଡୁ ଉଦଘାଟନ କରିଥିଲେ । ରକ୍ତଦାନ ଶିବିରରେ ପଟଣାଗଡ ବିଧାୟକ ସରୋଜ ମେହେରଙ୍କ ସମେତ ପଟଣାଗଡ ଏସ୍ ଡି ପି ଓ ସୁରେଶ ନାଏକ ପାଟଣାଗଡ ଥାନା ଅଧିକାରୀ କେ ପ୍ରିୟଙ୍କା ରାଉତରାୟ ଉପସ୍ଥିତ ଥିଲେ । ଏହି ରକ୍ତଦାନ ଶିବିରରେ ଜିଲ୍ଳା ଆଦିବାସୀ ସଙ୍ଗଠନ କୋଶଳ କମିଟି, ବଣିକ ସଂଘ ,ରିକ୍ସା ଚାଳକ ସଙ୍ଘ, ମାରଓା୍ୱଡି ସଂଘ ପ୍ରମୁଖ ବିଭିନ୍ନ ସଂଘ ସହଯୋଗ କରିଥିଲେ ।
ଏହି ରକ୍ତଦାନ ଶିବିରରେ ବଲାଙ୍ଗିର ଜିଲ୍ଲା ରକ୍ତଭଣ୍ଡାର ଓ ପାଟଣାଗଡ ଉପଖଣ୍ଡ ଡାକ୍ତରଖାନା ରକ୍ତଭଣ୍ଡାରର ଟେକନିସିଆନଙ୍କ ସମେତ ତାଙ୍କ ଟିମ ରକ୍ତ ସଂଗ୍ରହରେ ସହଯୋଗ କରିଥିଲେ । ଉକ୍ତ ରକ୍ତଦାନ ଶିବିରରେ ମୋଟ ୨୬୩ ୟୁନିଟ ରକ୍ତ ସଂଗ୍ରହ ହୋଇଥିଲା ।
