ବୌଦ୍ଧ/ବାଉଁଶୁଣୀ,୨୦/୧- ବୌଦ୍ଧବ୍ଲକ୍ ବାଉଁଶୁଣୀ ଛକ ବଜାର ଅଂଚଳରେ ରାସ୍ତା ଉପରେ ଆବର୍ଜନା ପାଣି ଜମି ରହୁଥିବା ଯୋଗୁଁ ଲୋକେ ନାହିଁନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଜାତୀୟ ରାଜପଥ ନମ୍ବର ୫୭ର ପାର୍ଶ୍ୱରେ ଥିବା ବାଉଁଶୁଣୀ ବଜାରରେ ପ୍ରତିଦିନ ସ୍ଥାନୀୟ ଅଞ୍ଚଳର ହଜାର ହଜାର ଲୋକଙ୍କ ସମାଗମ ହେଉଥିବା ବେଳେ ଜାତୀୟ ରାଜପଥ କଡରେ ଆବର୍ଜନା ପାଣି ଭର୍ତ୍ତି ହୋଇ ରହୁଥିବା ଯୋଗୁଁ ସମସ୍ୟାରେ ପଡୁଛନ୍ତି । ଜାତୀୟ ରାଜପଥ ପାର୍ଶ୍ୱରେ ବିଭାଗ ଡ୍ରେନ ନିର୍ମାଣ କରିଛି କିନ୍ତୁ ଆବର୍ଜନାରେ ଡ୍ରେନ ପୋତି ହୋଇ ଯାଇଥିବା ଯୋଗୁଁ ଉଦବୃତ୍ତ ଜଳ ଡ୍ରେନ ମଧ୍ୟରେ ନିଷ୍କାସନ ନ ହୋଇ ରାଜପଥ ଉପରକୁ ଚାଲି ଆସୁଛି । ଜାତୀୟ ରାଜପଥ ବିଭାଗ ଓ ଗ୍ରାମ ପଞ୍ଚାୟତ ଡ୍ରେନ ସଫା କରାଇବା ଦିଗରେ ପଦକ୍ଷେପ ନେବାକୁ ଜନସାଧାରଣରେ ଦାବୀ ହେଉଛି ।
