ଦାରିଙ୍ଗବାଡ଼ି,୨୨/୧: ଦାରିଙ୍ଗବାଡ଼ି ସ୍ଥିତ ଡାକ୍ତର ବି.ଆର ଆମ୍ବେଦକର ଜାତୀୟ ଉଚ୍ଚ ବିଦ୍ୟାଳୟ ନିକଟରେ ଥିବା ପୋଲରେ ଏକ ବାଇକ ଦୁର୍ଘଟଣା ଘଟି ୩ ଜଣ ଆହତ ହୋଇଥିବା ଜଣାପଡ଼ିଛି । ଆହତ ମାନେ ହେଲେ ସୋରଡ଼ା ଅଂଚଳର ପିଙ୍କିରାଣୀ ନାୟକ,ବୁଲୁ ନାୟକ ଓ ୪ ବର୍ଷର ଶିଶୁ ବିକାଶ ନାୟକ । ବୁଲୁ ନାୟକ ସାମାନ୍ୟ ଆହତ ହୋଇଥିବା ବେଳେ ପିଙ୍କିରାଣୀ ଓ ବିକାଶ ଗୁରୁତର ହୋଇଥିବା ଜଣାପଡ଼ିଛି । ତିନି ଜଣ ମିଶି ଏକ ବାଇକ ଯୋଗେ ଡୁଲୁରୀ ପାଇନ ବଣରେ ଭୋଜି କରିବାକୁ ସରୋଡ଼ା ରୁ ଆସି ଭୋଜି କରି ଘରକୁ ଫେରୁଥିଲେ ହେଲେ ଉଚ୍ଚ ବିଦ୍ୟାଳୟ ନିକଟରେ ଥିବା ଖାଲଢିପ ପୋଲ ଉପରେ ବାଇକ ଟି ଭାରସାମ୍ୟ ହରାଇ ଦୁର୍ଘଟଣା ହୋଇଥିଲା । ଏହାପରେ ସ୍ଥାନୀୟ ଲୋକ ସମସ୍ତଙ୍କୁ ଦାରିଙ୍ଗବାଡ଼ି ମେଡିକାଲରେ ଭର୍ତ୍ତି କରିଥିଲେ । ଏହି ପୋଲଟି ଖାଲଢିପ ହୋଇଥିବା ଯୋଗୁଁ ବହୁ ସମୟରେ ଏହି ସ୍ଥାନରେ ଦୁର୍ଘଟଣା ଘଟୁଛି ।
