ବୌଦ୍ଧ,୨୫/୧- ଆଜି ବୌଦ୍ଧ ଟାଉନ୍ ହଲ୍ ଠାରେ ଜିଲ୍ଲାସ୍ତରୀୟ 11 ତମ ଜାତୀୟ ଭୋଟର ଦିବସ ପାଳିତ ହୋଇଯାଇଛି | ନିର୍ବାଚନ ଅଧିକାରୀ ତଥା ଉପ ଜିଲ୍ଲାପାଳ ଅଶ୍ୱିନୀ କୁମାର ମେହେରଙ୍କ ସଭାପତିତ୍ବରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବରେ ଜିଲ୍ଲାପାଳ ଲଲାଟେନ୍ଦୁ ମିଶ୍ର ଯୋଗ ଦେଇଥିଲେ | ସମ୍ମାନୀତ ଅତିଥି ଭାବେ ଆରକ୍ଷୀ ଅଧୀକ୍ଷକ ଭି. ରଘୁନାଥ ରାଓ ମଞ୍ଚାସୀନ ଥିଲେ l ନୂତନ ଭାବେ ଭୋଟର ହୋଇଥିବା ଯୁବ ଭୋଟର ମାନଙ୍କୁ ସ୍ବାଗତ କରାଯାଇ ଭୋଟ୍ ପରିଚୟ ପତ୍ର ପ୍ରଦାନ କରାଯିବା ସହ ଯେଉଁ ବୁଥ ସ୍ତରୀୟ ଅଧିକାରୀମାନେ ସଫଳତାର ସହ କାର୍ଯ୍ୟ କରିଛନ୍ତି ସେମାନଙ୍କୁ ମଧ୍ୟ ସମ୍ବର୍ଦ୍ଧିତ କରାଯାଇଥିଲା | ଜିଲ୍ଲାପାଳ ଭୋଟର ମାନଙ୍କୁ ଦେଶର ଗଣତନ୍ତ୍ରକୁ ସୁଦୃଢ କରିବା ପାଇଁ ଭୋଟର ଭାବେ ନିଜ କର୍ତ୍ତବ୍ୟ ପାଳନ ପାଇଁ ନିଜ ବକ୍ତବ୍ୟ ରେ କହିବା ସହ ଶପଥ ପାଠ କରାଇ ଥିଲେ l ନିର୍ବାଚନ ସମ୍ପର୍କୀତ ହୋଇଥିବା ଅନ୍ ଲାଇନ ରଚନା ଓ କୁଇଜ୍ ପ୍ରତିଯୋଗୀତାର କୃତ୍ତି ପ୍ରତିଯୋଗୀ ମାନଙ୍କୁ ପ୍ରମାଣପତ୍ର ଓ ପୁରସ୍କାର ପ୍ରଦାନ କରାଯାଇଥିଲା | ଡେପୁଟି କଲେକ୍ଟର ସୁଶ୍ରୀ ସ୍ମିତା ରଥ ସ୍ବାଗତ ଭାଷଣ ଦେଇଥିବା ବେଳେ ଶିକ୍ଷକ ବସନ୍ତ କୁମାର୍ ସାହୁ ସଂଯୋଜନା କରିଥିଲେ |
