ବୌଦ୍ଧ,୨୭/୧ – ଗତକାଲି ଅପରାହ୍ନରେ ଲମ୍ବସରୀ ଗ୍ରାମ ପଞ୍ଚାୟତ ପିପଲପାଲି ଗ୍ରାମ ନିକଟରେ ଏକ ଧାନ ବୋଝେଇ ଟ୍ରକ ଦୁର୍ଘଟଣା ଗ୍ରସ୍ତ ହୋଇଥିଲା | ମିଳିଥିବା ସୂଚନା ଅନୁଯାୟୀ ସ୍ଥାନୀୟ ଅଞ୍ଚଳର ଜଣେ ବ୍ୟବସାୟୀ ପିପଲପାଲି ଗ୍ରାମରୁ ଧାନ କିଣି ଟ୍ରକ ଯୋଗେ ନେଉଥିବା ବେଳେ ଡ୍ରାଇଭର ଗାଡିକୁ ପଛକୁ ନେଉଥିବା ସମୟରେ ଭାରସାମ୍ୟ ହରାଇ ଓଲଟି ପଡିଥିଲା l ଦୁର୍ଘଟଣା ରେ ଡ୍ରାଇଭର ଅଳ୍ପକେ ବର୍ତ୍ତି ଯାଇଥିବା ଜଣାପଡିଛି l ରାସ୍ତା ପାର୍ଶ୍ବରେ ଥିବା ଗୋଟିଏ ବିଦ୍ୟୁତ୍ ଖମ୍ବ ଦେହରେ ଧକ୍କା ଦେଇ ଟ୍ରକ ଓଲଟି ପଡିଥିବା ଯୋଗୁଁ ବିଦ୍ୟୁତ୍ ଖମ୍ବ ଭାଙ୍ଗି ଯିବା ଫଳରେ ସ୍ଥାନୀୟ ଲୋକଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଥିଲା l ବିଦ୍ୟୁତ୍ ସରବରାହ ସ୍ବାଭାବିକ ନ ହେବା ପର୍ଯ୍ୟନ୍ତ ସେଠାରୁ ଟ୍ରକ ନ ଛାଡିବା ପାଇଁ ଗ୍ରାମବାସୀ ଜିଦ୍ କରିବାରୁ ରାତିସାରା ଟ୍ରକ ପଡି ରହିଥିବା ଜଣା ପଡିଛି l ଏ ପର୍ଯ୍ୟନ୍ତ ବିଦ୍ୟୁତ୍ ଯୋଗାଣ ସ୍ବାଭାବିକ ହୋଇ ନଥିବା ଯୋଗୁଁ ଲୋକେ ହଇରାଣ ହେଉଥିବା ଅଭିଯୋଗ ହୋଇଛି |
