ବୌଦ୍ଧ,୫/୨- ଜାତୀୟ ରାଜପଥ ନମ୍ବର ୫୭ର ବୌଦ୍ଧଜିଲ୍ଲା ହରଭଙ୍ଗା ବ୍ଲକ ନୂଆପଡା ତିନି ପୋଲିଆ ବୁଲାଣିରେ ରାସନ ସାମଗ୍ରୀ ବୋଝେଇ ଏକ ମିନି ଟ୍ରକ ଭାରସାମ୍ୟ ହରାଇ ଓଲଟି ପଡିଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ସମ୍ବଲପୁର ଅଞ୍ଚଳରୁ ରାସନ ସାମଗ୍ରୀ ବୋଝେଇ କରି ଗୋଟିଏ ମିନି ଟ୍ରକ ଓଡି ୦୨ ବି.ଜେ. ୬୭୪୬ କଟକ ଜିଲ୍ଲା ନରସିଂହପୁର ଅଞ୍ଚଳକୁ ଯାଉଥିବା ବେଳେ ଜାତୀୟ ରାଜପଥ ନମ୍ବର ୫୭ର ନୂଆପଡା ବୁଲାଣିରେ ଭାରସାମ୍ୟ ହରାଇ ଓଲଟି ପଡିଥିଲା । ଡ୍ରାଇଭରକୁ ନିଦ ଆସିଯିବାରୁ ଏଭଳି ଦୁର୍ଘଟଣା ଘଟିଥିବା କୁହାଯାଉଛି । ଗାଡିରେ ଥିବା ଡ୍ରାଇଭର ଓ ଖଲାସୀ ସାମାନ୍ୟ ଆହତ ହୋଇ ଅଳ୍ପକେ ବର୍ତ୍ତି ଯାଇଥିବା ଜଣାପଡିଛି ।
