ବୌଦ୍ଧ,୮/୨ – ଆଜି ଅପରାହ୍ନ ପ୍ରାୟ ୧ ଘଣ୍ଟା ସମୟରେ ସାହାଜପାଲ୍ ରାସ୍ତାକଡରେ ଥିବା ଗୋଟିଏ ପାନ ଦୋକାନ କେବିନରେ ଅଗ୍ନିକାଣ୍ଡ ଘଟି ସମ୍ପୁର୍ଣ୍ଣ ଜଳିପୋଡି ପାଉଁଶ ହୋଇଯାଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଆଜି ଅପରାହ୍ନ ପ୍ରାୟ ୧ ଘଣ୍ଟା ସମୟରେ ବାଉଁଶୁଣୀ ଥାନା ତାଳସରଡା ଗ୍ରାମ ଜାତୀୟ ରାଜପଥ ନମ୍ବର ୫୭ କଡରେ ଥିବା ବଳରାମ ଦାଶଙ୍କ କ୍ରିଷ୍ଣା ବେଟେଲ ସପ୍ରେ ଆକସ୍ମିକ ଅଗ୍ନିକାଣ୍ଡ ଘଟି କାଠ କେବିନ୍ ଓ କେବିନ୍ ଭିତରେ ଥିବା ସମସ୍ତ ସାମଗ୍ରୀ ଓ ଫ୍ରିଜ ଆଦି ଜଳି ପୋଡି ପାଉଁଶ ହୋଇଯାଇଛି । ପୋଡି ଯାଇଥିବା ସଂପତ୍ତିର ମୁଲ୍ୟ ପ୍ରାୟ ଲକ୍ଷାଧିକ ଟଙ୍କା ହେବ ବୋଲି କୁହାଯାଉଛି । ଅଗ୍ନିକାଣ୍ଡର କାରଣ ଜଣାପଡିନାହିଁ । ଖବରପାଇ ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ଥିଲା । ଦମକଳ ପହଞ୍ଚିବା ପୁର୍ବରୁ ସ୍ଥାନୀୟ ଲୋକେ ନିଆଁକୁ ଆୟତ୍ତ କରିଥିବା ଜଣାପଡିଛି ।
