ଟିଟିଲାଗଡ,୯/୨ – ଆଜି ଅପରାହ୍ନରେ ଟିଟିଲାଗଡ଼ର ଥାନା ନିକଟରେ ନବନିର୍ମିତ ଫ୍ଲାଏଓଭର ବ୍ରିଜତଳ ରାସ୍ତା କଡରେ ପରିବା ବିକୁଥିବା ବିକାଳୀଙ୍କ ଉପରେ ଏକ ପିକଅପ ଚଢିଯିବାରୁ ଘଟଣାସ୍ଥଳରେ ଜଣେ ବୃଦ୍ଧାଙ୍କ ପ୍ରାଣବାୟୁ ଉଡିଯାଇଛି । ସ୍ଥାନୀୟ ଲୋକଙ୍କ ସହାୟତାରେ ଏହି ଘଟଣାରେ ଅନ୍ୟ ଜଣେ ଗୁରୁତରଙ୍କୁ ମେଡିକାଲକୁ ସ୍ଥାନାନ୍ତର କରାଯାଇଛି । ଦୁର୍ଘଟଣା ଘଟାଇଥିବା ଗାଡି ପିକ୍ଅପ ଭେନ ନଂ. ଓଡି୦୩ଏମ୍୦୦୯୧ । ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଥିବାବେଳେ ଘଟଣାସ୍ଥଳରୁ ଡ୍ରାଇଭର ଫେରାର ହୋଇଯାଇଥିବା ଜଣାପଡିଛି । ଏଠାରେ ଟ୍ରାଫିକ ନିୟନ୍ତ୍ରଣ ପାଇଁ ପ୍ରଶାସନ ତରଫରୁ ଉଚିତ ପଦକ୍ଷେପ ନିଆଯାଉନଥିବାରୁ ଜନସାଧାରଣଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି । ତେଣୁ ଏଥିପ୍ରତି ପ୍ରଶାସନ ଶୀଘ୍ର ପଦକ୍ଷେପ ନେଇ ଟ୍ରାଫିକ ସମସ୍ୟା ପ୍ରତି ଦୃଷ୍ଟି ଦେବାକୁ ଦାବିକରିଛନ୍ତି ଜନସାଧାରଣ ।
