ବୌଦ୍ଧ,୧୩/୨ – ଚାଷୀଙ୍କ ବିଭିନ୍ନ ସମସ୍ୟାକୁ ନେଇ ଆଜି ବିଜେପି ପକ୍ଷରୁ ସକାଳ 10 ଘଣ୍ଟା ଠାରୁ ଅପରାନ୍ହ 1 ଘଣ୍ଟା ପର୍ଯ୍ୟନ୍ତ ଚକା ଜାମ୍ ଆନ୍ଦୋଳନ ଆରମ୍ଭ ହୋଇଛି | ବୌଦ୍ଧ ସହର ମହାନଦୀ ଛକ ନିକଟରେ ଆଜି ସକାଳ 10 ଘଣ୍ଟା ସମୟରେ ବିଜେପି ନେତା ଓ କର୍ମୀ ବ୍ରିଜ ଛକ ଦେଇ ଚଳାଚଳ କରୁଥିବା ଯାନବାହାନ ଚଳାଚଳ ବନ୍ଦ କରିଥିଲେ l ଫଳରେ ଶହ ଶହ ସଂଖ୍ୟାରେ ଯାନବାହାନ ମହାନଦୀ ବ୍ରିଜ ଛକ ନିକଟରେ ଅଟକି ରହିଥିବା ଦେଖିବାକୁ ମିଳିଛି l ଗତ ବିଧାନସଭା ନିର୍ବାଚନରେ ବୌଦ୍ଧ ବିଧାନସଭା ପ୍ରାର୍ଥୀ ସୁଶାନ୍ତ କୁମାର୍ ପ୍ରଧାନ, ପୂର୍ବତନ ଜିଲ୍ଲା ବିଜେପି ସଭାପତି ମାଗୁଣି ଚରଣ ଗାଈଗୌରୀଆ, ସୁର୍ଯ୍ୟ ନାରାୟଣ ମହାପାତ୍ର, ମନୋରଞ୍ଜନ ଦାଶ, ମହିଳା ମୋର୍ଚ୍ଚା ସଭାନେତ୍ରୀ ଶ୍ରୀମତୀ ନମିତା ରାଣୀ ଦାଶ, ଦେବଦତ୍ତ ଦଲାଲ୍, ତାପସ ପଟ୍ଟନାୟକ, କୃଷ୍ଣଚନ୍ଦ୍ର ମିଶ୍ର ପ୍ରମୁଖ ଚକା ଜାମ୍ ଆନ୍ଦୋଳନର ନେତୃତ୍ବ ନେଇଥିଲେ | ସେହିପରି ଜିଲ୍ଲାର ଅନ୍ୟାନ୍ୟ ସ୍ଥାନରେ ମଧ୍ୟ ବିଜେପିର କର୍ମୀମାନେ ଚକାଜାମ୍ ଆନ୍ଦୋଳନ କରିଥିବା ଜଣାପଡିଛି l
