ପାଟଣାଗଡ,୧୩/୨- ବଲାଙ୍ଗୀର ଜିଲ୍ଲା ପାଟଣାଗଡ ଚାଷୀମାନଙ୍କ ସମସ୍ୟାକୁ ନେଇ ଆଜି ବିଜେପି ପକ୍ଷରୁ ୧୦ଟା ରୁ ୧ ଟା ପର୍ଯ୍ୟନ୍ତ ଚକା ଜାମ୍ କରାଯାଇଥିଲା । ପାଟଣାଗଡ ପଞ୍ଚମୁଖୀ ହନୁମାନ ମନ୍ଦିର ସମ୍ମୁଖରେ ପାଟଣାଗଡ ପଞ୍ଚାୟତ ସମିତି ଅଧ୍ୟକ୍ଷ ଭକ୍ତବନ୍ଧୁ ନାଏକଙ୍କ ନେତୃତ୍ୱରେ ବିଜେପିର ଶତାଧିକ କର୍ମୀ ଯାନବାହନ ଚଳାଚଳକୁ ବନ୍ଦ କରିଥିଲେ । ଫଳରେ ରାଜରାସ୍ତାରେ ଶହଶହ ଯାନବାହନ ଅଟକିଥିବା ଦେଖିବାକୁ ମିଳିଥିଲା । ସେହିପରି ପାଟଣାଗଡ ଉପଖଣ୍ଡ ବେଲପଡା ନବୋଦୟ ଛକ ଠାରେ ବେଲପଡା ପଞ୍ଚାୟତ ଅଧ୍ୟକ୍ଷଙ୍କ ନେତୃତ୍ୱରେ ଚାଷୀମାନଙ୍କ ସମସ୍ୟ କୁ ନେଇ ରାଜରାସ୍ତା ଅବରୋଧ କରିଥିଲେ । ଏହି ରାଜରାସ୍ତା ଅବରୋଧରେ କୁନୁ ମୁଣ୍ଡା, ରୁକୁସୁନା ପ୍ରମୁଖ ଶତାଧିକ ବିଜେପି କର୍ମୀ ଉପସ୍ଥିତ ଥିଲେ ।
