ବୌଦ୍ଧ,୨/୩- ଜାତୀୟ ରାଜପଥ ନମ୍ବର 57ର ପୁରୁଣା କଟକ ଥାନା ରୋହିଣୀ ବାଙ୍କ ନିକଟରେ ଏକ ପଥର ଗୁଣ୍ଡ ବୋଝେଇ ହାଇୱା ଭାରସାମ୍ୟ ହରାଇ ଓଲଟି ପଡ଼ିବାରୁ ହାଇୱା ଚାଳକ ଗୁରୁତର ଆହତ ହୋଇଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ଜାତୀୟ ରାଜପଥ ନମ୍ବର 57 ରେ ଚାରିଛକ୍ ପଟରୁ ଦଶପଲ୍ଲା ଅଭିମୁଖେ ଏକ ହାଇୱା ଓ.ଆର 02 ବି.କେ. 9463 ପଥର ଗୁଣ୍ଡ ବୋଝେଇ କରି ଯାଉଥିବା ବେଳେ ଚାରିଛକ – ଦଶପଲ୍ଲା ରାସ୍ତାର ବଦଲା ନିକଟ ରୋହିଣୀ ବାଙ୍କ ଠାରେ ଭାରସାମ୍ୟ ହରାଇ ରାସ୍ତା ଉପରେ ଓଲଟି ପଡିଥିଲା l ଫଳରେ ହାଇୱା ଡ୍ରାଇଭର ଗୁରୁତର ଆହତ ହୋଇଥିଲେ | ଘଟଣା ସ୍ଥଳରେ ଆଡେନିଗଡ ଫାଣ୍ଡି ପୋଲିସ ପହଂଚି ଘଟଣାର ତଦନ୍ତ କରୁଥିବା ଜଣାପଡିଛି l
