ବୌଦ୍ଧ,୨/୩ – ଆଜି ସକାଳ 10 ଘଣ୍ଟା ସମୟରେ ଜାତୀୟ ରାଜପଥ ନମ୍ବର 57ର ସାହାଜପାଲ ନିକଟ କନକପୁର ଛକରେ ହମ୍ପସ୍ ରେ ଭାରସାମ୍ୟ ହରାଇ ଏକ ବୋଲେରୋ ବାଇକ କୁ ଧକ୍କା ଦେବା ଫଳରେ ବାଇକ ଆରୋହୀ ଗୁରୁତର ଆହତ ହୋଇଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ଆଜି ସକାଳ ପ୍ରାୟ 10 ଘଣ୍ଟା ସମୟରେ ପଦ୍ମନପୁର୍ ପଂଚାୟତ ବଡ଼ ଖଲିଗାଁ ଗ୍ରାମର ଦୀପକ ବାରିକ (18 ବର୍ଷ ) ଏକ ବାଇକ ଓଡ଼ି 27 ଏ 0899 ଯୋଗେ ସାହାଜପାଲ୍ ଆଡକୁ ଆସୁଥିବା ବେଳେ ବାଉଁଶୁଣି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ମୋବାଇଲ ସ୍ବାସ୍ଥ୍ୟ ସେବାରେ ଭଡାରେ ଲାଗିଥିବା ଗୋଟିଏ ବୋଲେରୋ ଓଡ଼ି 27 2458 ବିପରୀତ ଦିଗରୁ ଆସୁଥିବା ବେଳେ କନକପୁର ଛକରେ ଧକ୍କା ଦେଇଥିଲା l ଫଳରେ ବାଇକ ଆରୋହୀ ଗୁରୁତର ଆହତ ହୋଇଥିଲେ | ପ୍ରତ୍ଯକ୍ଷ ଦର୍ଶୀଙ୍କ ଅନୁଯାୟୀ ଜାତୀୟ ରାଜପଥ ନମ୍ବର 57ର କନକପୁର ଛକ ନିକଟରେ ଗତକାଲି ଉଚ୍ଚ ହମ୍ପସ୍ ନିର୍ମାଣ କରାଯାଇଛି | ବୋଲେରୋ ଡ୍ରାଇଭର ନ ଜାଣି ପାରି ଦୃତ ଗତିରେ ଥିବା ଗାଡିକୁ ହମ୍ପସ୍ ଉପରେ ଚଢାଇ ଭାରସାମ୍ୟ ହରାଇ ଥିଲା ଓ ଆଗରୁ ଆସୁଥିବା ବାଇକକୁ ଧକ୍କା ଦେଇଥିଲା l ଖବର୍ ପାଇ 108 ଆମ୍ବୁଲାନସ୍ ଗୁରୁତର ଆହତ ବ୍ୟକ୍ତିଙ୍କୁ ଉଦ୍ଧାର କରି ବୌଦ୍ଧ ଜିଲ୍ଲା ମୁଖ୍ୟ ଚିକିତ୍ସାଳୟ କୁ ଆଣିଥିଲା l ଉତ୍ୟକ୍ତ ଲୋକେ ଡ୍ରାଇଭରକୁ ଆକ୍ରମଣ କରିଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ଲୋକେ କିଛି ସମୟ ଧରି ଜାତୀୟ ରାଜପଥ ନମ୍ବର 57 କୁ ଅବରୋଧ କରିଥିଲେ | ବାଉଁଶୁଣୀ ପୋଲିସ୍ ଘଟଣା ସ୍ଥଳରେ ପହଂଚି ପାରିନଥିବା ବେଳେ ଦୁଇ ଜଣ ହୋମ୍ ଗାର୍ଡ ଘଟଣା ସ୍ଥଳରେ ପହଂଚିଥିବା ଜଣାପଡିଛି l
