ବୌଦ୍ଧ,୧୦/୪ – ବୌଦ୍ଧ ଜିଲ୍ଲାରେ ପୁଣି ୨ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ସୁଚନା ଦେଇଛି । ଆଜି ଘୋଷିତ ହୋଇଥିବା ଦୁଇ ଜଣ କରୋନା ପଜିଟିଭଙ୍କ ସମ୍ପର୍କରେ ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନ ସୂଚନା ଦେଇ କହିଛନ୍ତି ଯେ ଦୁଇ ଆକ୍ରାନ୍ତ ହେଉଛନ୍ତି ବୌଦ୍ଧ ବ୍ଲକ ବଢିଗାଁ ଠାରେ ଥିବା ଏକ ବ୍ୟାଙ୍କର କର୍ମଚାରୀ । ଆକ୍ରାନ୍ତ ଲୋକଙ୍କ ସଂସ୍ପର୍ଶରେ ଆସି ସେମାନେ ପଜିଟିଭ ଚିହ୍ନଟ ହୋଇଥିବା ଜଣାପଡିଛି । ଆଜିର ଦୁଇ ପଜିଟିଭଙ୍କୁ ମିଶାଇ ଜିଲ୍ଲାରେ ମୋଟ୍ ୨୮୩୨ ଜଣ କରୋନା ଆକ୍ରାନ୍ତ ଚିହ୍ନଟ ହୋଇ ସାରିଛନ୍ତି । ସମସ୍ତେ ସୁସ୍ଥ ହୋଇ ସାରିଥିବାବେଳେ ୬ ଜଣ ଚିକିତ୍ସାଧୀନ ରହିଛନ୍ତି । ମୋଟ ୧୧ ଜଣ ମୃତ୍ୟବରଣ କରିଥିବା ଜିଲ୍ଲା ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ମିଳିଛି ।
