ବୌଦ୍ଧ,୧୭/୪- ବୌଦ୍ଧଜିଲ୍ଲା ହରଭଙ୍ଗା ବ୍ଲକ ସରସରା ନୂଆସାହି ଠାରେ ରାଧାରାଣୀ ଭାଗବତ ଟୁଙ୍ଗୀ ଉଦଘାଟିତ ହୋଇଯାଇଛି | ହରଭଙ୍ଗା ବ୍ଲକ ବିଡ଼ିଓ ନୀଳକଣ୍ଠ ବେହେରା ଭାଗବତ ଟୁଙ୍ଗୀ କୁ ଫିତା କାଟି ଉଦଘାଟନ କରିଥିଲେ | ଏକ ଲକ୍ଷ ଟଂକାର ସରକାରୀ ଅନୁଦାନ ଓ ସରସରା ନୂଆସାହି ନିବାସୀ ଭଗବତ୍ ପ୍ରେମୀ ତଥା କମିଟିର ସଭାପତି ନିର୍ମଳ ଚଂଦ୍ର ସାହୁଙ୍କ ସହାୟତାରେ ଭାଗବତ ଟୁଙ୍ଗୀ ନିର୍ମାଣ କରାଯାଇଛି | ରାଧାରାଣୀ ସାହୁ ଟୁଙ୍ଗୀ ନିର୍ମାଣ ପାଇଁ ଦେଢ ଡ଼ିସିମିଲ ଜମି ଦାନ କରିଥିଲେ | ଉଦଘାଟନୀ ଅବସରରେ ହରଭଙ୍ଗା ବ୍ଲକ୍ ଅଧ୍ୟକ୍ଷ ବିଶ୍ୱଜିତ ମିଶ୍ରଙ୍କ ସମେତ ଜୟକୃଷ୍ଣ ବେହେରା, ଭୂତ ସ୍ବାଇଁ, ନବୀନ ଦେହୁରୀ, ରାମକୃଷ୍ଣ ସାହୁ, ଅରବିନ୍ଦ ଗିରି, ବିଧାନ ପାଢୀ, ବିଭାଷ ସାହୁ, ପଙ୍କଜ କର୍ଣ୍ଣ, ସୁମନ୍ତ ସାହୁ, ସୂରଜ କର୍ଣ୍ଣ, କୁଳଦିପ ସାହୁ, ସନ୍ତୋଷ ଦେହୁରୀ, ମିନତି ସାହୁ, ଗତିକାର, ଜିତୁ, କୁଞ୍ଜ ଓ ଅନ୍ୟାନ୍ୟ ଗ୍ରାମବାସୀ ଉପସ୍ଥିତ ଥିଲେ l
