ବୌଦ୍ଧ,୧୭/୪ – ବୌଦ୍ଧବ୍ଳକ ବହିରା ଯୁବକ ସଂଘର ମିଳିତ ଆନୁକୂଲ୍ୟରେ ଗତକାଲି ବହିରା ଖେଳପଡ଼ିଆ ଠାରେ ରାତ୍ରିକାଳୀନ ଗ୍ରାମାଞ୍ଚଳସ୍ତରୀୟ ସାର୍କିଲ୍ କ୍ରିକେଟ ଟୁର୍ଣ୍ଣାମେଂଟ ଉଦଘାଟିତ ହୋଇଯାଇଛି । ଏହି ଏକ ଦିବସୀୟ କ୍ରିକେଟ ମ୍ୟାଚ ତେନ୍ତୁଳିପାଲି ଓ ବହିରା (ବି) ଟିମ ମଧ୍ୟରେ ଅନୁଷ୍ଠିତ ହୋଇଥିଲା । ଏହି ଖେଳରେ ତେନ୍ତୁଳିପାଲି ଟିମ ୪୧ ରନର ଟାର୍ଗେଟ ଦେଇଥିଲେ । ୧୭ ରନରେ ତେନ୍ତୁଳିପାଲି ବିଜୟୀ ହୋଇଥିଲେ । ଏହି ଖେଳକୁ ପିଙ୍କୁ ମହାଲିକ ଓ ସିନ୍ଧୁ ଚିରୁଗୁଣି ପରିଚାଳନା କରିଥିଲେ । ଉଦଘାଟନୀ ମ୍ୟାଚରେ ମୁଖ୍ୟଅତିଥି ଭାବେ ବିଜେପି ଜିଲ୍ଲା ସାଧାରଣ ସଂପାଦକ ସୁଶାନ୍ତ ବାଘ ଓ ସମ୍ମାନିତ ଅତିଥି ଭାବରେ ଓ ପୂର୍ବତନ ବ୍ଲକ ଅଧ୍ୟକ୍ଷ ପୟୋଧର ମହାକୁଳ ଯୋଗଦେଇ ମ୍ୟାଚକୁ ଉଦଘାଟନ କରିଥିଲେ । ସଫଳ ଭାବେ ମ୍ୟାଚ୍ ଆୟୋଜନରେ ସହଯୋଗ କରିଥିଲେ ଅଜିତ ଦାଶ, ଲୁଲୁ ମହାକୁଳ, ରାଜେଶ ସାହୁ , ନକୁଳ ପ୍ରଧାନ, ବ୍ରଜ କିଶୋର ଦାସ, ନେପାଳ ନାଏକ ।
