ବୌଦ୍ଧ,୧୭/୪ – ମହାନ୍ ଜନନାୟକ ବିଜୁବାବୁଙ୍କ ଶ୍ରାଦ୍ଧ ଦିବସ ଅବସରରେ କଣ୍ଟାମାଳ ନିର୍ବାଚନ ମଣ୍ଡଳୀ ବିଜୁ ଜନତା ଦଳ ପକ୍ଷରୁ ମନମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଆଜି ଏକ ରକ୍ତଦାନ ଶିବିର ଅନୁଷ୍ଠିତ ହୋଇ ଯାଇଛି | କଣ୍ଟାମାଳ ବିଧାୟକ ମହୀଧର ରଣାଙ୍କ ଉଦ୍ୟମରେ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା | ପ୍ରଥମେ ବିଜୁ ବାବୁଙ୍କ ଫୋଟ ଚିତ୍ର ନିକଟରେ ବିଧାୟକ ଶ୍ରୀ ରଣା ପ୍ରଦୀପ ପ୍ରଜ୍ୱଳନ କରି ପୁଷ୍ପ ମାଲ୍ୟ ଅର୍ପଣ କରିଥିଲେ | ପ୍ରସୂତୀ ବିଭାଗର ୱାର୍ଡରେ ଥିବା ମା ମାନଙ୍କୁ ଫଳ ବିସ୍କୁଟ ବଣ୍ଟନ କରାଯାଇଥିଲା | ଜିଲ୍ଲା ବିଜେଡ଼ି ପର୍ଯ୍ୟବେକ୍ଷକ ଦାୟିତ୍ୱରେ ଥିବା କୃତିବାସ ପାତ୍ର, ଜିଲ୍ଲା ସାଧାରଣ ସମ୍ପାଦକ ପ୍ରଶାନ୍ତ ରଣା, ଜିଲ୍ଲା କୃଷକ ସେଲ ସଭାପତି ଶାନ୍ତନୁ ଥାଟି,ଯୁବ ବ୍ଲକ ସଭାପତି ଶମ୍ଭୁ ସାହୁ,ସରକାରୀ ଓକିଲ ରାଧା ବଲ୍ଲଭ ପ୍ରଧାନ, ସାଂସଦ ପ୍ରତିନିଧି ସୁଜିତ ମେହେର, ବରିଷ୍ଠ ବିଜେଡି ନେତା ରୋହିତ ହୋତା, ଜାନୀ ସେନାପତି, ପ୍ରଦୀପ ଅଗ୍ରୱାଲା, ଶୈଳେନ୍ଦ୍ର ବସ୍ତିଆ, ବିପିନ ପ୍ରଧାନ, ପ୍ରେମରାଜ ରଣା, ଅମରେନ୍ଦ୍ର ଦେହୁରୀ,ସାରଦୁଲ ନାଗ ପ୍ରମୁଖ କର୍ମକର୍ତ୍ତା ଉପସ୍ଥିତ ଥିଲେ l ସମ୍ପାଦକ ପ୍ରଶାନ୍ତ କୁମାର ରଣା ଓ ବିଜେଡି ନେତା ରୋହିତ ହୋତା କାର୍ଯ୍ୟକ୍ରମକୁ ଶାନ୍ତିପୂର୍ଣ୍ଣ ଭାବେ ପରିଚାଳନା କରିଥିଲେ |
