ବୌଦ୍ଧ/ହରଭଙ୍ଗା,୨୪/୪- ବୌଦ୍ଧଜିଲ୍ଲା ଦେଇ ଯାଇଥିବା ଖୋର୍ଦ୍ଧା-ବଲାଙ୍ଗୀର ୫୭ନମ୍ବର ଜାତୀୟ ରାଜପଥ ଆଡେଣିଗଡ ଫାଣ୍ଡି ଅଧୀନସ୍ଥ ମାଧପୁର ବ୍ରିଜ୍ ନିକଟରେ ଏକ ଲୁହା କବାଡି ବୋଝେଇ ଟ୍ରକ୍ ରାସ୍ତା ତଳକୁ ଖସିପଡିଥିଲା । ସୁଚନାମତେ ଟ୍ରକ୍ଟି ଲୁହାରଷ୍ଟ୍ ସାମାନ୍ ଗୁଡିକ ବୋଝେଇ ହୋଇ ଭୁବନେଶ୍ୱରଠୁ ବୌଦ୍ଧ ଅଭିମୁଖେ ଯାଉଥିବା ବେଳେ ଗାଡିର ଡ୍ରାଇଭର୍ ଟ୍ରକ୍କୁ ଅଟକାଇ ନିକଟସ୍ଥ ନାଳକୁ ଶୌଚପାଇଁ ଯାଇଥିବା ସମୟରେ ଉକ୍ତ ରାସ୍ତାଟି ଅଧିକ ଡାଉନ୍ଥିବାରୁ ଟ୍ରକ୍ଟି ମନକୁମନ ଗଡିଆସି ଓଲଟିପଡିଥିଲା । ଗାଡିରେ କେହିନଥିବାବେଳେ ଅଳ୍ପକେ ଚାଳକ ଜଣକ ବର୍ତ୍ତିଯାଇଥିବା ଜଣାପଡିଛି । ସ୍ଥାନୀୟ ପୋଲିସ୍ ପହଞ୍ଚି ଘଟଣାର ତଦନ୍ତ ଜାରିରଖିଛି ।
