ବଲାଙ୍ଗୀର,୬/୫- ଗତ ୨୪ଘଣ୍ଟାରେ ବଲାଙ୍ଗୀର ଜିଲ୍ଲାରେ ୩୧୪ଜଣ ନୂଆ ପଜିଟିଭ ଚିହ୍ନଟ ହୋଇଛନ୍ତି । ଏହା ସହ ଜିଲ୍ଲାରେ ମୋଟ ଆକ୍ରାନ୍ତଙ୍କ ସଂଖ୍ୟା ଆଜିପର୍ଯ୍ୟନ୍ତ ୧୪,୬୮୬ ହୋଇଛି । ସେମାନଙ୍କ ମଧ୍ୟରୁ ୧୧,୯୯୧ ସୁସ୍ଥ ହୋଇଛନ୍ତି ଏବଂ ୨୬୪୪ ଆକ୍ଟିଭ ଥିବା ରାଜ୍ୟ ସୂଚନା ଓ ଲୋକସମ୍ପର୍କ ବିଭାଗ ତଥ୍ୟରୁ ଜଣାଯାଏ । ଗତ ସାତ ଦିନରେ ୨୦୫୩ଜଣ ଆକ୍ରାନ୍ତ ହୋଇଛନ୍ତି । କେବଳ ଏପ୍ରିଲ୍ ମାସରେ ଜିଲ୍ଲାରେ ମୋଟ ୪୧୦୯ ଜଣ ସଂକ୍ରମିତ ହୋଇଥିବାବେଳେ ଗ୍ରାମାଞ୍ଚଳରୁ ୨୪୫୯ ଓ ବଲାଙ୍ଗୀର, କଣ୍ଟାବାଞ୍ଜି, ପାଟଣାଗଡ, ଟିଟିଲାଗଡ, ତୁଷରା, ସହରାଞ୍ଚଳରୁ ମୋଟ ୧୮୧୩ ଆକ୍ରାନ୍ତ ଚିହ୍ନଟ ହୋଇଛନ୍ତି । ମେ ମାସର ମାତ୍ର ୫ଦିନରେ ଜିଲ୍ଲାରେ ଚିହ୍ନଟ ହେଲାଣି ୧୭୪୮ । ୪ମେ ଯାଏଁ ତଥ୍ୟ ଅନୁସାରେ ଗ୍ରାମାଞ୍ଚଳରୁ ୭୭୯, ସହରାଞ୍ଚଳରୁ ୬୫୫ ଏବଂ ବଲାଙ୍ଗୀର ମୁନସିପାଲଟିରୁ ୧୬୭ । ସେହିପରି ଏପ୍ରିଲ ମାସରେ କେବଳ ବଲାଙ୍ଗୀର ମ୍ୟୁନସିପାଲଟିର ବିଭିନ୍ନ ଅଞ୍ଚଳରେ ୯୭୨ଜଣ ଆକ୍ରାନ୍ତ ହୋଇଥିଲେ ।
