ପାରଳାଖେମୁଣ୍ଡି,୭/୫- ଗଜପତି ଜିଲ୍ଲା ଗୁମାବ୍ଲକ ଅଧ୍ୟକ୍ଷ ଗଜେନ୍ଦ୍ର ଗମାଙ୍ଗଙ୍କ ମୃତ୍ୟୁ ପରେ ଗୁମା ବ୍ଲକ ଉପାଧ୍ୟକ୍ଷ ଗିତାଞ୍ଜଳି ଭୂୟାଁଙ୍କୁ ବ୍ଲକ ଅଧ୍ୟକ୍ଷା ଭାବେ ଗଜପତି ଜିଲାପାଳଙ୍କ ଅନୁମୋଦନ କ୍ରମେ ଦାୟିତ୍ୱ ଗ୍ରହଣ କରିଛନ୍ତି । ଦାୟିତ୍ୱ ଗ୍ରହଣ କରିବା ପରେ ବ୍ଲକ ଅଧ୍ୟକ୍ଷା ଗୀତାଞ୍ଜଳି ଗଣମାଧ୍ୟମ ପ୍ରତିନିଧିମାନଙ୍କୁ ଜଣାଇଛନ୍ତି କି ,କିଭଳି ଗୁମା ବ୍ଲକର ଉନ୍ନତମୁଳକ କାର୍ଯ୍ୟ ହେବ ସେଥିପ୍ରତି ମୁଖ୍ୟତଃ ଦୃଷ୍ଟି ଦେବେ ବୋଲି ସୂଚନା ଦେଇଛନ୍ତି । ଏହି ଦାୟିତ୍ୱ ଗ୍ରହଣ କାର୍ଯ୍ୟକ୍ରମରେ କଂଗ୍ରେସର ବରିଷ୍ଠ ନେତା ତଥା ପାରଳାଖେମୁଣ୍ଡି ପୌରପରିଷଦ ପୂର୍ବତନ ଉପାଧ୍ୟକ୍ଷ ସଂଜୟ କୁମାର ଅଧିକାରୀ, ପୂର୍ବତନ ଗୁମା ବ୍ଲକ ଉପାଧ୍ୟକ୍ଷ ବେର୍ନିକ ଗମାଙ୍ଗ, ସେବାଦଲ ଜିଲ୍ଲା ସଭାପତି କୃଷ୍ଣ କୁମାର ବେହେରା, ବ୍ଲକ ଉନ୍ନୟନ ଅଧିକାରୀ ନଟବର ଗରଡ଼, ଭାରପ୍ରାପ୍ତ ପଞ୍ଚାୟ କାର୍ଯ୍ୟନିର୍ବାହୀ ଅଧିକାରୀ ନୃସିଂହ ନାଥ ମିଶ୍ରଙ୍କ ସହ ଗୁମା ବ୍ଲକ ସମସ୍ତ କନିଷ୍ଠଯନ୍ତ୍ରୀ ପ୍ରମୁଖ ଉପସ୍ଥିତ ଥିଲେ ।
