ବୌଦ୍ଧ,୨୦/୫ – ଆଜି ପୂର୍ବାହ୍ନ ପ୍ରାୟ ଘ.୧୧. ୩୦ ମିନିଟ ସମୟରେ ବୌଦ୍ଧବ୍ଲକ ଅଁଳାପାଲି ଗ୍ରାମ ପଞ୍ଚାୟତ ଅନ୍ତର୍ଗତ ଗୁଡପଡା ଗ୍ରାମରେ ରୋଷେଇ ଗ୍ୟାସ୍ ଲିକ ହୋଇ ଅଗକାଣ୍ଡ ଘଟି ୫ ବଖରା ଘର ପୋଡି ଯାଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ରସାନନ୍ଦ ରାଜହଂସଙ୍କ ଘରେ ରୋଷେଇ ଗ୍ୟାସ୍ ଟାଙ୍କି ଲିକ୍ ହୋଇ ଅଗ୍ନିକାଣ୍ଡ ଘଟିଥିଲା । ଘର ଗୁଡିକର ଆଜବେଷ୍ଟସ୍ ଓ ଟାଇଲ୍ ଛାତ ଥିବା ସତ୍ୱେ ସମସ୍ତ ଜିନିଷପତ୍ର ପୋଡି ଯାଇଥିଲା । ଖବରପାଇ ବାଉଁଶୁଣୀ ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ । ମିଳିଥିବା ସୂଚନା ଅନୁଯାୟୀ ଶ୍ରୀପତି ରାଜହଂସଙ୍କ ୨ ବଖରା ଓ ଅଲେଖ ରାଜହଂସ, ରସାନନ୍ଦ ରାଜହଂସ ଓ ଉତ୍ତମ ରାଜହଂସଙ୍କ ୧ ବଖରା ଲେଖାଏଁ ଘରପୋଡି ଜିନିଷପତ୍ର ନଷ୍ଟ ହୋଇଯାଇଥିବା ଜଣାପଡିଛି ।
