ଦାରିଙ୍ଗବାଡ଼ି,୨୧/୫: ଦାରିଙ୍ଗବାଡ଼ି ବ୍ଳକ କଂଗ୍ରେସ ପକ୍ଷରୁ ଆଜି ପୂର୍ବତନ ପ୍ରଧାନମନ୍ତ୍ରୀ ତଥା ଭାତର ରତ୍ନ ରାଜୀବ ଗାନ୍ଧୀଙ୍କ ୩୧ତମ ଶ୍ରାଦ୍ଧ ଦିବସ ସମିତି ଅଧ୍ୟକ୍ଷା ରୁଦା ମଳିକଙ୍କ ଅଧ୍ୟକ୍ଷତାରେ ପାଳନ କରାଯାଇଛି । ଏଥିରେ ବ୍ଳକ କଂଗ୍ରେସ ସଭାପତି ପ୍ରଦୀପ ନାୟକ, ବରିଷ୍ଠ କଂଗ୍ରେସ କର୍ମୀ ବିଦ୍ୟାଧର ମଲିକ, ନାରୀ ନେତ୍ରୀ ବିଳାସିନି ନାୟକ ସହିତ ଅନେକ କଂଗ୍ରେସ କର୍ମୀ ଓ ବ୍ଳକ କମିଟି ସଦସ୍ୟ ଯୋଗଦେଇଥିଲ । ପ୍ରଥମେ ରାଜୀବ ଗାନ୍ଧୀଙ୍କ ଫୋଟ ଚିତ୍ରରେ ପୁଷ୍ପମାଲ୍ୟ ଅର୍ପଣ କରି ଶ୍ରଦ୍ଧାସୁମନ ଅର୍ପଣ କରିଥିଲେ । ଏହାପରେ ଦାରିଙ୍ଗବାଡ଼ି ବଜାର ସ୍ଥିତ ମାହାଡ଼ାଗାଣ୍ଡ ସାହିରେ ପହଞ୍ଚି ସାହିର ଲୋକଙ୍କୁ କୋଭିଡ୍ ନିୟମ ସମ୍ପର୍କରେ ସଚେତନ କରିବା ସହିତ ଲୋକଙ୍କୁ ମାକ୍ସ ପ୍ରଦାନ କରିଥିଲେ ।
