ବୌଦ୍ଧ,୨୬/୫ – ବୌଦ୍ଧ ଜିଲ୍ଲାରେ କରୋନା ସମଗ୍ର ଜିଲ୍ଲାକୁ ବ୍ୟାପି ଯାଇଥିବା ବେଳେ ଏଭଳି ଘଡି ସନ୍ଧି ମୁହୂର୍ତ୍ତରେ ବୌଦ୍ଧ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଡାକ୍ତର ତ୍ରିଲୋଚନ ପ୍ରଧାନ ବଦଳି ହୋଇଥିବା ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରିଛି । ମିଳିଥିବା ସୂଚନା ଅନୁଯାୟୀ ଡାକ୍ତର ପ୍ରଧାନଙ୍କୁ ଅନୁଗୁଳ ଜିଲ୍ଲା ସିଡିଏମଓ ଭାବରେ ବଦଳି କରାଯାଇ ତାଙ୍କ ସ୍ଥାନରେ ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଥିବା ଡାକ୍ତର ଅଭୟ କୁମାର୍ ଦାସଙ୍କୁ ବୌଦ୍ଧରେ ଅବସ୍ଥାପିତ କରାଯାଉଛି । ଡାକ୍ତର ପ୍ରଧାନ ଅନୁଗୁଳରେ ପୁର୍ବରୁ ସ୍ୱାସ୍ଥ୍ୟ ବିଭାଗର ବହୁ ଗୁରୁତ୍ୱପୂର୍ଣ୍ଣ ପଦବୀରେ ଅବସ୍ଥାପିତ ହୋଇଥିଲେ । ଅନୁଗୁଳ ସହର ହୁଲୁରୀସିଙ୍ଗାର ସେ ସ୍ଥାୟୀ ବାସିନ୍ଦା ମଧ୍ୟ ଅଟନ୍ତି । ପ୍ରାୟ ୧ ବର୍ଷ ତଳେ ସେ ବୌଦ୍ଧ ସିଡିଏମଓ ଭାବରେ ଯୋଗ ଦେଇଥିଲେ ।
