ବୌଦ୍ଧ,୨୭/୫ – ବୌଦ୍ଧ ସହରାଞ୍ଚଳ ଅନ୍ତର୍ଗତ ୬ ନମ୍ବର୍ ୱାର୍ଡ ବାବୁସାହିର ନିର୍ଦ୍ଦିଷ୍ଟ କିଛି ରାସ୍ତା ପ୍ରାୟ ୪ ବର୍ଷ ହେବ ମରାମତି ହେଉନଥିବା ହେତୁ ଅସନ୍ତୋଷ ପ୍ରକାଶ ପାଉଛି । ବାବୁସାହି ଅଂଚଳର ବିଭିନ୍ନ ରାସ୍ତାକୁ ବାରମ୍ବାର ମରାମତି କରାଯାଉଥିଲେ ମଧ୍ୟ ଏ ରାସ୍ତାଖଣ୍ଡକୁ ଯେମିତି ସହରାଞ୍ଚଳ ପ୍ରଶାସନ ଭୁଲିଯାଉଛି । ରାସ୍ତା ଖରାପ ହେବା ସହ ଡ୍ରେନ ଅଳିଆ ଆବର୍ଜନାରେ ପୋତିହେବାରେ ଲାଗିଛି । ଏ ଅଂଚଳରେ ସହରାଞ୍ଚଳ ନିର୍ବାହୀ ଅଧିକାରୀଙ୍କ ବାସଭବନ ଓ କର୍ମଚାରୀଙ୍କ କଲୋନୀ ଥିବା ସତ୍ତେ୍ୱ ଦୀପ ତଳ ଅନ୍ଧାର ପରି ପ୍ରଶାସନର ଦୃଷ୍ଟି ଆଢୁଆଳରେ ରହିଯାଇଛି । ଉକ୍ତ ରାସ୍ତା ନିର୍ମାଣ ସହ ଡ୍ରେନ ପୁନଃଉଦ୍ଧାର କାର୍ଯ୍ୟ ବର୍ଷାପୂର୍ବରୁ କରାଇବାପାଇଁ ଜନସାଧାରଣରେ ଦାବି ହେଉଛି ।
