ହରଭଙ୍ଗା,୨୭/୫- ବୌଦ୍ଧଜିଲ୍ଲା ହରଭଙ୍ଗାବ୍ଲକର ମହାନଦୀ ଉପକୁଳ ତଥା ବିଭିନ୍ନ ସ୍ଥାନରେ ଚାଷୀ କରୁଥିବା ରବିଧାନ ଫସଲରେ ଚଳିତବର୍ଷ ୟାସ୍ ପ୍ରଭାବରେ କେତେକାଂଶରେ କ୍ଷତି ହୋଇଥିବା ଦେଖିବାକୁ ମିଳିଛି । ଏପଟେ ଅନ୍ୟକେତେକ ଚାଷୀମାନଙ୍କ ଆମ୍ବଚାଷ, ସହ ବିଭିନ୍ନ ପନିପରିବା ଚାଷ କ୍ଷତି ହୋଇଥିବା ଅଭିଯୋଗ ହେଉଛି । ହରଭଙ୍ଗା ବ୍ଲକର ପ୍ରଗଳପୁର, ଝରାସାହୀ, ଶ୍ୟାମସୁନ୍ଦରପୁର, କରଡି, ହାଟଗାଁ, ମଙ୍ଗଳପୁର, ସାଂପୋଚସମେତ କେନାଲ୍ ପାଣି ମାଡୁଥିବା ସ୍ଥାନରେ ବର୍ତ୍ତମାନ ରବିଧାନ ଚାଷ ହେଉଛି କିନ୍ତୁ ବର୍ଷାପବନ ଯୋଗୁଁ ଧାନଗଛ ମାଡିବସିଥିବା ଦେଖିବାକୁ ମିଳିଛି । ଫଳରେ ଚାଷୀକୂଳକୁ ଏହି ବାତ୍ୟା ଏକ ବିଶେଷ କ୍ଷତି ପହଂଚାଇଥିବାବେଳେ ତୁରନ୍ତ କ୍ଷତିଗ୍ରସ୍ଥ ଚାଷୀଙ୍କୁ ଚିହ୍ନଟ କରି କ୍ଷତିପୂରଣ ଯୋଗାଇ ଦେବାକୁ ଦାବି ହେଉଛି ।
