ବୌଦ୍ଧ/ଜହ୍ନାପଙ୍କ,୩୦/୫- ବୌଦ୍ଧବ୍ଳକ ଲକ୍ଷ୍ମୀପ୍ରସାଦ ପଞ୍ଚାୟତ ହାଟପଦା ବାସିନ୍ଦା ସ୍ୱର୍ଗତ ସନ୍ତୋଷ ସାହୁଙ୍କ ଆଜି ଦ୍ୱାଦଶାହ ଉପଲକ୍ଷେ ଏକ ଶ୍ରଦ୍ଧାଞ୍ଜଳି ସଭା ବୁରକଟା ସ୍ଥିତ ଆନନ୍ଦମାର୍ଗ ଆଶ୍ରମରେ ଆଚାର୍ଯ୍ୟ ଶୁଭବ୍ରତଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା । ଏଥିରେ ମୁଣ୍ଡାପଡା ସରପଞ୍ଚ ବିଦ୍ୟାଧର ସ୍ୱାଇଁ, ବରିଷ୍ଠ ଆନନ୍ଦମର୍ଗୀ କେଦାରନାଥ ସାହୁ, ବୌଦ୍ଧ ବ୍ଳକ ଉପାଧ୍ୟକ୍ଷ ମନରଞ୍ଜନ ପୁରୋହିତ, ଶିକ୍ଷକ ଶମ୍ଭୁ ଗିରି, ଆକୁଳ ସ୍ୱାଇଁ, ସଞ୍ଜୟ ମେହେର, ରାମ ପ୍ରଧାନ, ଲବ ବେହେରା ପ୍ରମୁଖ ଯୋଗଦେଇ ସ୍ୱର୍ଗତ ସାହୁଙ୍କ ସ୍ମୃତି ଚରଣ କରିଥିଲେ । ବାସ୍ତବରେ ସେ ଜଣେ ମେଳାପି, ସ୍ୱେଚ୍ଛାସେବୀ, ସୁଖଦୁଃଖର ସାଥି । ସେ ଦୀର୍ଘ ୩୫ ବର୍ଷ ହେଲା ଆନନ୍ଦମାର୍ଗ ସହିତ ଜଡ଼ିତ ଥିଲେ । ଦୀର୍ଘ ୫ ବର୍ଷ ହେଲା ଜିଲ୍ଲା ଆଇନ ସେବା ପ୍ରାଧିକରଣ, ବୌଦ୍ଧର ପାରାଲିଗାଲ ସ୍ୱେଚ୍ଛାସେବୀ ଭାବେ କାର୍ଯ୍ୟ କରି ଆସୁଥିଲେ । ଶ୍ରଦ୍ଧାଞ୍ଜଳି ସଭାପରେ ତାଙ୍କ ଘରକୁ ଯାଇ ପରିବାରଙ୍କୁ ସମବେଦନା ଜଣାଇଥିଲେ ।
