ଫୁଲବାଣୀ,୦୩/୦୬- କନ୍ଧମାଳ ଜିଲ୍ଲା ଚକାପାଦ ବ୍ଲକର ଶଙ୍କରlଖୋଲ ପଞ୍ଚାୟତ ଅଞ୍ଚଳରେ କାଳ ବୈଶାଖୀର ପବନ ଘଡଘଡି ସହ ବର୍ଷାର ତାଣ୍ଡବଲୀଳା ରଚିଥିଲା।ଏହି ସମୟରେ ଘର ବାହାରେ କୁବୁସାହିର ଦୁଇ ନାବାଳକଙ୍କୁ ବିଜୁଳି ମାରିବା ଦ୍ଵାରା ଜଣେ ନାବାଳକ ମୃତ ହୋଇଥିବା ବେଳେ ଅନ୍ୟ ଜଣେ ଗୁରୁତର ହୋଇ ଗୁମାଗଡ଼ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ଭର୍ତି ହୋଇଛନ୍ତି l ଯାହା ସୂଚନା ରହିଚି ଗୁରୁବାର ଦିନ ଚାରିଟା ରେ ଘର ପାଖପଡିଆରେ ଖେଳୁଥିବା ସମୟରେ ହଠାତ୍ ବିଜୁଳି ମାରିବା ଯୋଗୁଁ ଦୁଇ ନାବାଳକ ଗୁରୁତର ହୋଇ ପଡିଥିଲେ । ଗ୍ରାମବାସୀ ଦୁଇ ନାବାଳକଙ୍କୁ ଗୁମାଗଡ଼ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରିଥିଲେ । କିନ୍ତୁ ୧୫ ବର୍ଷର ନାବାଳକ ତରୁଣ ସେନ କହଁରଙ୍କୁ ଡାକ୍ତର ମୃତ ଘୋଷଣl କରିଥିଲେ । ଅନ୍ୟ ନାବାଳକ ଜଣକ ଆକାଶ କହଁରର ସ୍ୱାସ୍ଥ୍ୟ ଅବସ୍ଥା ସ୍ଥିର ରହିଥିବା ଜଣାପଡିଛି।
