ଜହ୍ନାପଙ୍କ,୪/୬- ବୌଦ୍ଧବ୍ଳକ ଅନ୍ତର୍ଗତ ଖୁଣ୍ଟବନ୍ଧ ପଞ୍ଚାୟତର ପୂର୍ବତନ ସରପଞ୍ଚ ତଥା ଜହ୍ନାପଙ୍କ ସରକାରୀ ଉଚ୍ଚ ବିଦ୍ୟାଳୟର ପୂର୍ବତନ ସଭାପତି ଜହ୍ନାପଙ୍କ ବାସିନ୍ଦା ସୁଦର୍ଶନ ଜେନାଙ୍କ ୯୦ ବର୍ଷ ବୟସରେ ନିଜ ବାସଭବନରେ ଗୁରୁବାର ପରଲୋକ ହୋଇଯାଇଛି । ମୃତ୍ୟୁ ବେଳେ ତାଙ୍କର ବଡ ପୁଅ ଶ୍ୱେତ କୁମାର ଜେନା, ଶାନ୍ତନୁ ଜେନା, ସତରାମ ଜେନା, ପୁତ୍ର ବଧୁ, ନାତିନାତୁଣୀ ଉପସ୍ଥିତ ଥିଲେ । ଗାଁ ମଶାଣିରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଥିବା ବେଳେ ବଡ ପୁଅ ମୁଖାଗ୍ନି ଦେଇଥିଲେ । ୧୩ ତାରିଖରେ ତାଙ୍କର ପତ୍ନୀ ସୁକାନ୍ତି ଜେନାଙ୍କ ପରଲୋକ ହୋଇଥିଲା । ସେ ଜଣେ ମେଳାପି, ଧର୍ମପରାୟଣ ଓ ପରୋପକାରୀ ଭାବେ ଅଞ୍ଚଳରେ ପରିଚିତ ଥିଲେ । ଶ୍ରୀ ଜେନା ଜହ୍ନାପଙ୍କ ସରକାରୀ ଉଚ୍ଚ଼ ବିଦ୍ୟାଳୟର ସଭାପତି ଭାବେ ୧୯୭୨ ମନୋନୀତ ହୋଇଥିଲେ । ଏବଂ ଖୁଂଟବନ୍ଧ ପଞ୍ଚାୟତର ସରପଞ୍ଚ ଭାବେ ନିର୍ବାଚିତ ହୋଇ ୧୯୭୭ ମସିହାରୁ ୧୯୮୨ ମସିହା ପର୍ଯ୍ୟନ୍ତ ସରପଞ୍ଚ ଦାୟିତ୍ୱରେ ଥିଲେ ।
