ଭୁବନେଶ୍ୱର. ୦୫ ।୦୬: ଶଳାବୁଢାର ଫେମ୍ ତଥା ଜାତୀୟ ପୁରସ୍କାରପ୍ରାପ୍ତ ବିଶିଷ୍ଟ ଅଭିନେତା ଅଟଳବିହାରୀ ପଣ୍ଡା ଶେଷନିଶ୍ୱାସ ତ୍ୟାଗ କରିଛନ୍ତି । ଗତ କିଛି ଦିନ ଧରି ସେ ଚିକିତ୍ସିତ ହେଉଥିଲେ ।
୯୧ ବର୍ଷ ବୟସରେ ବୁର୍ଲା ଭୀମସାରରେ ଚିକିତ୍ସାଧିନ ଅବସ୍ଥାରେ ତାଙ୍କର ଦେହାନ୍ତ ହୋଇଛି । ରାତି ୩ଟା ୪୫ ସମୟରେ ତାଙ୍କର ଦେହାନ୍ତ ହୋଇଥିବା ତାଙ୍କ ସାନପୁଅ ଅରୁଣ ପଣ୍ଡା ସୂଚନା ଦେଇଛନ୍ତି । ପ୍ରସିଦ୍ଧ ସମ୍ବଲପୁରୀ ଫିଲ୍ମ ଶଳାବୁଢା, ଶଳାବୁଢାର ବଦଲା, ଆଦିମ ବିଚାରର ସେ ନିଖୁଣ ଅଭିନୟ କରି ଦର୍ଶକଙ୍କ ମନ ଜିଣିଥିଲେ । ବ୍ଲଡ ସେଫିସେମିଆରେରେ ସେ ଆକ୍ରାନ୍ତ ଥିବାବେଳେ ତାଙ୍କର ସୁଗର ସ୍ତର ବଢିଯାଇଥିବା ତାଙ୍କର ପୁଅ ସୂଚନା ଦେଇଛନ୍ତି । ତେବେ ଜଣେ ବର୍ଷିଆନ କଳାକାରଙ୍କୁ ହରାଇ ସାରା ପଶ୍ଚିମ ଓଡିଶାରେ ଏବେ ଶୋକର ଲହରୀ ଖେଳିଯାଇଛି ।
ସୂଚନାଯୋଗ୍ୟ, ସେ କୋଭିଡ୍ ଆକ୍ରାନ୍ତ ହୋଇ ସୁସ୍ଥ ହୋଇଥିଲେ । ଏହାପରେ ପୁଣି ହସ୍ପିଟାଲରେ ଭର୍ତ୍ତି ହୋଇଥିଲେ । ତେବେ ଗତ ମେ ମାସରେ ତାଙ୍କ ପତ୍ନୀଙ୍କର ମଧ୍ୟ ବିୟୋଗ ହୋଇଥିଲା ।
