ବୌଦ୍ଧ,୫/୬ – ଜାତୀୟ ରାଜପଥ ନମ୍ବର୍ 57ର ସରସରା ନିକଟରୁ ଜଣେ ଯୁବକଙ୍କ ମୃତଦେହ ଉଦ୍ଧାର କରାଯାଇଛି l ମିଳିଥିବା ସୂଚନା ଅନୁଯାୟୀ ସରସରା ଗ୍ରାମର ଅନନ୍ତ ସ୍ୱାଇଁ (32) ଙ୍କ ମୃତଦେହ ଜାତୀୟ ରାଜପଥ କଡରୁ ସରସରା ଶ୍ମଶାନ ଆଡକୁ ଯାଇଥିବା ପଡିଆ ରାସ୍ତାରେ ପଡିଥିବା ସକାଳୁ ସ୍ଥାନୀୟ ଲୋକେ ଦେଖିବାକୁ ପାଇଥିଲେ l
ପରିବାର ଲୋକ ଜାଣିବା ପରେ ବୌଦ୍ଧ ପୋଲିସ୍ କୁ ଖବର୍ ଦେଇଥିଲେ | ତାଙ୍କ ଶବ ନିକଟରେ ତାଙ୍କ ବାଇକ ମଧ୍ୟ ପଡିଛି l କୌଣସି ବ୍ୟକ୍ତି ତାଙ୍କୁ ହତ୍ୟା କରିବା ପରେ ଦୁର୍ଘଟଣାର ରୂପ ଦେବାକୁ ଚେଷ୍ଟା କରିଥିବା ମୃତକଙ୍କ ପିତା ଗଣ୍ଡାଧର ସ୍ୱାଇଁ ଅଭିଯୋଗ କରିଛନ୍ତି | ପୋଲିସ୍ ତଦନ୍ତ କଲାପରେ ମୃତ୍ୟୁ ଦୁର୍ଘଟଣା ଜନିତ ନା ହତ୍ୟା ସ୍ପଷ୍ଟ ହେବ l
