ବ୍ରହ୍ମପୁର:ସଙ୍କଟରେ ଏବେ ଗଜରାଜ । କିଛି ନା କିଛି କାରଣରୁ ଏବେ ଦିନକୁ ଦିନ ହାତୀମାନଙ୍କର ମୃତୁ୍ୟ ହେଉଛି । କେତେବେଳେ ଟ୍ରେନ ଧକ୍କାରେ ତ କେତେବେଳେ ବିଦୁ୍ୟତ ଆଘାତରେ ମୃତୁ୍ୟ ହେଉଛି । ଏହାରି ଭିତରେ ଉତ୍ତର ଘୁମୁସର ବନଖଣ୍ଡ କେନ୍ଦ୍ରୀୟ ବନାଞ୍ଚଳ ଅଧୀନ ଲାଠିପଡା ବିଟ ଢଉପଲ୍ଲୀ କାଜୁ ଜଙ୍ଗଲରୁ ଦନ୍ତାହାତୀର ମୃତଦେହ ଉଦ୍ଧାର କରାଯାଇଛି । ବନ ବିଭାଗ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିଛି ।
ଗତକାଲି ୮ ଟିକିଆ ହାତୀ ପଲ୍ଲ ଖାଦ୍ୟ ଅନ୍ୱେଷଣରେ ଢଉପଲ୍ଲୀ କାଜୁ ଜଙ୍ଗଲ ଅତିକ୍ରମ କରୁଥିବା ବେଳେ ଗୋଟିଏ ହାତୀର ଶୁଣ୍ଢ ଇଲେଭେନ୍ କେଭି ବିଦ୍ୟୁତ୍ ତାର ସଂସ୍ପର୍ଶରେ ଆସିଥିଲା। ଫଳରେ ଘଟଣାସ୍ଥଳରେ ହାତୀଟିର ମୃତ୍ୟୁ ହୋଇଯାଇଥିଲା। ହାତୀଟିର ବୟସ ୨୫ ରୁ ୩୦ ବର୍ଷ ମଧ୍ୟରେ ହେବ ବୋଲି ଅନୁମାନ କରାଯାଉଛି।
