ବୌଦ୍ଧ,୯/୬ – ଆସନ୍ତାକାଲି ସାବିତ୍ରୀ ବ୍ରତ ପଡୁଥିବା ହେତୁ ଆଜି ଜିଲ୍ଲାର ବିଭିନ୍ନ ଦୈନିକ ବଜାରରେ ଅସମ୍ଭବ ଭିଡ ପରିଲକ୍ଷିତ ହୋଇଥିଲା । ବୌଦ୍ଧ ସହର ସମେତ ପୁରୁଣା କଟକ, ବାଉଁଶୁଣୀ, ମନମୁଣ୍ଡା ଓ କଣ୍ଟାମାଳ ଆଦି ବଜାରରେ ପୂଜା ସାମଗ୍ରୀ ଓ ଫଳ କିଣିବା ପାଇଁ ଲୋକେ ଧାଡି ଲଗାଇଥିବା ଦେଖିବାକୁ ମିଳୁଛି । ସାବିତ୍ରୀ ପାଇଁ ଫଳ ଦର ଆକାଶ ଛୁଆଁ ହୋଇଯାଇଛି । ଯେଉଁ ଫଳ ସାଧାରଣ ଦିନରେ ଯେତେ ଦରରେ ମିଳୁଥିଲା ଆଜି ତାହା ୧୦ ଗୁଣ ବଢି ଯାଇଛି । ପୂଜାପାଇଁ ଫଳ ନିହାତି ଆବଶ୍ୟକ ଥିବାରୁ ଯେତେ ଦର ବଢିଲେ ବି ଲୋକେ କିଣିବାକୁ ବାଧ୍ୟ ହେଉଥିବା ଦେଖିବାକୁ ମିଳିଥିଲା । କୋଭିଡ୍ କଟକଣାସତ୍ତେ୍ୱ ପ୍ରବଳ ଭିଡ ଫଳ ଦୋକାନ ମାନଙ୍କରେ ଲାଗି ରହିଥିଲା । ସାମାଜିକ ଦୂରତା ରକ୍ଷା କରିବା ଲୋକଙ୍କ ପକ୍ଷରେ ଅସମ୍ଭବ ହୋଇପଡିଥିବା ଦୃଶ୍ୟ ଦେଖିବାକୁ ମିଳିଥିଲା ।
