ହରଭଙ୍ଗା,୧୧/୬- ବୌଦ୍ଧ ଜିଲ୍ଲା ପୁରୁଣାକଟକ ଥାନା ନିକଟରେ ଆଜି ସନ୍ଧ୍ୟାରେ ଏକ ବାଇକ ଦୁର୍ଘଟଣା ଘଟି ଜଣଙ୍କର ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ଅବସ୍ଥାରେ ପୁରୁଣାକଟକ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସିତ ହେଉଥିବା ଜଣାପଡିଛି । ପ୍ରାପ୍ତ ସୂଚନା ମତେ ବୌଦ୍ଧବ୍ଲକ ବୁରକଟା ଗ୍ରାମର ଦୁର୍ବାସା ପ୍ରଧାନ ଓ ପ୍ରଭାତ ଅମାତ ଏକ ବାଇକ ଯୋଗେ ହରଭଙ୍ଗା ପଟୁ ନିଜ ଗ୍ରାମକୁ ଫେରୁଥିବା ବେଳେ ଚାରିଛକ ଥାନା ନିକଟରେ ବାଇକ ଭାରସାମ୍ୟ ହରାଇ ଏକ ମେଟାଲ ଗଦା ଉପରେ ଚଢି ଦୁର୍ଘଟଣା ହୋଇଥିଲା ।
ଫଳରେ ଦୁର୍ବାସା ପ୍ରଧାନଙ୍କ ଘଟଣା ସ୍ଥଳ ରେ ମୃତ୍ୟୁ ହୋଇଥିବାବେଳେ ପ୍ରଭାତ ଅମାତଙ୍କୁ ଗୁରୁତର ଅବସ୍ଥା ରେ ପୁରୁଣା କଟକ ଡାକ୍ତରଖାନାରେ ଭର୍ତ୍ତି କରାଯାଇଛି ।ପୁରୁଣାକଟକ ପୋଲିସ ଘଟଣାର ତଦନ୍ତ କରୁଛି ।
