ଦଶପଲ୍ଲା,୧୩/୬:- ନୟାଗଡ଼ ସହର ରାଜବଗିଚା ସ୍ଥିତ ଅବସରପ୍ରାପ୍ତ ବରିଷ୍ଠଯନ୍ତ୍ରୀ ବାନାମ୍ବର ଖଟେଇଙ୍କ ପରଲୋକ ଘଟିଛି । ଦୀର୍ଘଦିନ ହେବ ସେ ଚିକିତ୍ସାଧୀନ ଅବସ୍ଥାରେ ଥିଲେ । ଗତକାଲି ରାତିରେ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ତାଙ୍କର ମୃତ୍ୟୁ ଘଟିଛି ବୋଲି ଖବର ମିଳିଛି । ମୃତ୍ୟୁ ବେଳକୁ ତାଙ୍କୁ ୭୨ ବର୍ଷ ବୟସ ହୋଇଥିଲା । ବିଦ୍ୟୁତ ବିଭାଗରେ ବହୁ ସଂସ୍କାର ମୂଳକ କାର୍ଯ୍ୟକରି ସୁନାମ ଅର୍ଜନ କରିଥିଲେ । ନୟାଗଡ଼ ଜିଲ୍ଲାର ପ୍ରତି ଗ୍ରାମକୁ ବିଦ୍ୟୁତ ଯୋଗାଣ କ୍ଷେତ୍ରରେ ତାଙ୍କର ପ୍ରମୁଖ ଭୂମିକା ରହିଥିବାରୁ ତାଙ୍କ ମୃତ୍ୟୁଖବର ଅଞ୍ଚଳରେ ଶୋକର ଛାୟା ଖେଳାଇଦେଇଛି ।
