ବୌଦ୍ଧ,୧୪/୬ – ବୌଦ୍ଧବ୍ଲକ ଗୋଛାପଡା ଗ୍ରାମ ପଞ୍ଚାୟତ ଅନ୍ତର୍ଗତ ବରାହପଥର ଗ୍ରାମରେ ଦୁଇ ଦୁଇଟି ନଳକୂପ ଅଚଳ ହୋଇଯାଇଥିବା ଯୋଗୁଁ ଗ୍ରାମବାସୀ ପାଣି ପାଇଁ ଡହଳବିକଳ ହେଉଥିବା ଅଭିଯୋଗ ହୋଇଛି । ମିଳିଥିବା ସୂଚନା ଅନୁଯାୟୀ ଉକ୍ତ ଗ୍ରାମରେ ଥିବା ଉଭୟ ନଳକୂପ ଗ୍ରୀଷ୍ମପ୍ରବାହ ଆରମ୍ଭ ହେବା ସମୟରୁ ଅଚଳ ହୋଇଯାଇଛି ।
ଗ୍ରାମର ପ୍ରାଥମିକ ବିଦ୍ୟାଳୟ ପରିସରରେ ଥିବା ନଳକୂପ ଉପରେ ୭୦ ଗୋଟି ପରିବାର ନିଜର ଦୈନନ୍ଦିିନ ଆବଶ୍ୟକ ପାଣି ସଂଗ୍ରହ କରିବାକୁ ବାଧ୍ୟ ହେଉଛନ୍ତି । ସେଠାରେ ଅଧିକ ଗହଳି ହେଉଥିବା ହେତୁ ପାଣି ପାଇଁ ଲୋକଙ୍କୁ ଘଣ୍ଟା ଘଣ୍ଟା ଅପେକ୍ଷା କରିବାକୁ ପଡୁଥିବା ଦେଖିବାକୁ ମିଳୁଛି । ତୁରନ୍ତ ନଳକୂପ ମରାମତି ପାଇଁ ଗ୍ରାମବାସୀ ଦାବି କରିଛନ୍ତି ।
