ନୂଆଦିଲ୍ଲୀ : ୟୁରୋ କପରେ ଗ୍ରୁପ୍ ଏ ର ଚତୁର୍ଥ ମ୍ୟାଚ୍ରେ ସ୍ୱିଜରଲ୍ୟାଣ୍ଡକୁ ୩-୦ ଗୋଲରେ ଇଟାଲୀ ପରାସ୍ତ କରିଛି । କ୍ରମାଗତ ଦ୍ୱିତୀୟ ବିଜୟ ସହ ଇଟାଲୀ ନକ୍ଆଉଟ୍ ରାଉଣ୍ଡରେ ପହଞ୍ଚିଛି । ୨୬ ଓ ୫୨ ମିନିଟରେ ଇଟାଲୀୟ ମିଡଫିଲ୍ଡର ମାନୁଏଲ ଲୋକାଟେଲି ଦୁଇଟି ଗୋଲ ସ୍କୋର କରିଥିଲେ । ତାଙ୍କୁ ଏହି ଦୁଇଟି ଗୋଲ ଦେବାରେ ଡୋମେନିକୋ ବେରାର୍ଡୀ ସାହାଯ୍ୟ କରିଥିଲେ । ପ୍ରଥମ ଥର ପାଇଁ ଏକ ଅନ୍ତର୍ଜାତୀୟ ମ୍ୟାଚରେ ଲୋକାଟେଲି ଦୁଇଟି ଗୋଲ୍ ସ୍କୋର କରିଛନ୍ତି ।
୮୯ ତମ ମିନିଟରେ ସେରୋ ଇମୋବାଇଲ ମ୍ୟାଚର ତୃତୀୟ ତଥା ପ୍ରଥମ ଗୋଲ ସ୍କୋର କରିଥିଲେ । ଏହା ସହିତ ମ୍ୟାଚରେ ଇଟାଲୀ ୩-୦ରେ ଅଗ୍ରଣୀ ହାସଲ କରିବା ସହ ବିଜୟୀ ହୋଇଥିଲା ।
