ବଲାଙ୍ଗୀର: ବଲାଙ୍ଗୀର-ପାଟଣାଗଡ ରାସ୍ତାରେ ଭୀମ ଭୋଇ ମେଡିକାଲ କଲେଜ ଆଗରେ ସେଲଫି ଜୋନ ଉଦଘାଟନ କରିଛନ୍ତି ସ୍ଥାନୀୟ ବିଧାୟକ ନରସିଂହ ମିଶ୍ର । କୋଭିଡ ସଂକ୍ରମଣକୁ ଦୃଷ୍ଟିରେ ଆୟୋଜିତ ନିରାଡମ୍ବର ଉଦଘାଟନ ଉତ୍ସବରେ ମୁନସିପାଲଟି କାର୍ଯ୍ୟନିର୍ବାହୀ ଅଧିକାରୀ ବିପିନ ଦୀପ ଓ ଅନ୍ୟମାନେ ଉପସ୍ଥିତ ଥିଲେ । ଭାଗିରଥି ଛକ ନିକଟରେ ଏକ ସେଲଫି ଜୋନ ପରେ ଏହା ସହରର 2ୟ ସେଲଫି ଜୋନ। ମନ ଦେହ ଓ ସ୍ବାସ୍ଥ୍ୟ ଉପରେ ସୁନ୍ଦର ପରିବେଶ ସୁନ୍ଦର ପ୍ରଭାବ ପକାଏ । ବାହାର ଲୋକଙ୍କୁ ଆକର୍ଷିତ କରେ । ପରୋକ୍ଷ ଓ ପ୍ରତ୍ୟକ୍ଷରେ ସୁନ୍ଦର ସହର ପରିବେଶ ଲାଭ ଦାୟକ । ସେଲଫି ଜୋନ ବଲାଙ୍ଗୀର ସହର ବିକାଶ ଯାତ୍ରାର ଏକ ଅଂଶ ବିଶେଷ ବୋଲି ଶ୍ରୀମିଶ୍ର କହିଥିଲେ ।
