ବଲାଙ୍ଗୀର : ଜମିବାଡ଼ି ଭାଗବଣ୍ଟାକୁ ନେଇ ଗୋଟିଏ ପରିବାର ମଧ୍ୟରେ ଗଣ୍ଡଗୋଳ କାରଣରୁ ଜଣେ ଯୁବକଙ୍କ ମୃତ୍ୟୁ ହୋଇଥିବା ବେଳେ ୬ଜଣ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି । ସୂଚନା ଅନୁସାରେ ଆଜି ସକାଳେ ପ୍ରଶନ୍ନ ବାଗ ନିଜ ଜମିରେ ଧାନ ବୁଣିବାକୁ ଯାଇଥିଲେ । ତେବେ ସଠାରେ କୁଟରାପାଲି ଗ୍ରାମର ଆକାଶ ବାଗ,ଦଶରଥ ବାଗ,ନିଳ ବାଗ, କ୍ୟଳାସ ଷାଣ୍ଢ ଉକ୍ତ ଜମିକୁ ନିଜ ମାଲିକାନା ଜାହିର କରି ପ୍ରଶନ୍ନ ବାଗକୁ ଧାନ ବୁଣିବାକୁ ମନା କରିଥିଲେ । ଫଳରେ ଉଭୟ ପକ୍ଷ ମଧ୍ୟରେ ପାଟିତୁଣ୍ଡ ହୋଇଥିଲା । ପାଟିତୁଣ୍ଡରୁ ମାଡପିଟ । ଭୁଲି ଗଲେ ରକ୍ତ ସଂପର୍କ । ଉଭୟ ପକ୍ଷରୁ କିଏ ଠେଙ୍ଗା ତ ଆଉ କିଏ ଟାଙ୍ଗିଆରେ ଆକ୍ରମଣ କରିଥିଲେ । ଏ ଝଗଡା ହେତୁ ପ୍ରଶନ୍ନ ବାଗଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିବା ଜଣାପଡିଛି । ଲୋଇସିଂହା ଥାନା ଅଧିକାରୀ ଘଟଣା ସ୍ଥଳରେ ପହଞ୍ଚି ୧୦୮ ଆମ୍ବୁଲେନ୍ସ ଜରିଆରେ ମୃତ ଓ ଆହତ ବ୍ୟକ୍ତିମାନଙ୍କୁ ଲୋଇସିଂହା ଡାକ୍ତରଖାନାକୁ ଆଣିଥିଲେ । ପରେ ୬ଜଣଙ୍କୁ ବଲାଙ୍ଗୀର ଭୀମଭୋଇ ମେଡିକାଲକୁ ସ୍ଥାନାନ୍ତର କରାଯାଇଛି । ଲୋଇସିଂହା ପୋଲିସ ତଦନ୍ତ ଜାରି ରଖିଛି ।
