ହରଭଙ୍ଗା,୨୧/୬- କୋରନା କଟକଣା ମଧ୍ୟରେ ଅନ୍ତର୍ଜାତିକ ଯୋଗ ଦିବସ ପାଳିତ ହୋଇଛି । ବୌଦ୍ଧ ଜିଲ୍ଲାର ହରଭଙ୍ଗା, ବୌଦ୍ଧ ଓ କଣ୍ଟାମାଳ ବ୍ଲକର ବିଭିନ୍ନ ସ୍ଥାନରେ ଆନ୍ତର୍ଜାତିକ ଯୋଗ ଦିବସକୁ ପାଳନ କରାଯାଇଛି । ଫ୍ରେଣ୍ଡସିଫ୍ କ୍ଲବ୍ ବୌଦ୍ଧ ତରଫରୁ ମୂଖ୍ୟ କାର୍ଯ୍ୟାଳୟ ଏବଂ କ୍ଲବ୍ ର ବ୍ଲକର ବିଭିନ୍ନ ଶାଖା ମାନଙ୍କ ରେ ଆନ୍ତର୍ଜାତିୟ ଯୋଗ ଦିବସ ପାଳନ କରାଯାଇଛି , ଏଥିରେ ଯୋଗ ଗୁରୁ ଭାବରେ ଅଧ୍ୟାପକ ପ୍ରବୀର କୁମାର ଦାଶ ଏବଂ ନେହେରୁ ଯୁବ କେନ୍ଦ୍ର ର ଜିଲ୍ଲା ସଂଯୋଜକ ବିରେନ୍ଦ୍ର ସିଂ ବୋକେନ୍ ଉପସ୍ଥିତ ରହିବା ସହିତ କ୍ଲବ୍ ସମ୍ପାଦକ ତୋଫାନ ପରିଡ଼ା ଙ୍କ ନେତୃତ୍ବରେ ଅନ୍ୟ ସଦସ୍ୟମାନେ ଉପସ୍ଥିତ ଥିଲେ, ଉପସ୍ଥିତ ସଦସ୍ୟ ସଦସ୍ୟା ହେଲେ ସମ୍ଯକ୍ ନାୟକ, ଅଂଶୁମାନ ହୋତା, ପ୍ରଦ୍ୟୁମ୍ନ ବଡମାଳି,ଆଦିତ୍ୟ, ସାର୍ଥକ ମହାପାତ୍ର, ଏବଂ ଅନ୍ୟ ସମସ୍ତେ ନିଜ ନିଜ ଘରେ ଯୋଗ କରି ଥିଲେ ।ଜିଲ୍ଲାର ନେହେରୁ ଯୁବ କେନ୍ଦ୍ର, ପତଞ୍ଜଳୀ ଯୋଗ ସମିତି, ସରସ୍ବତୀ ଶିଶୁ ମନ୍ଦିର, ଫ୍ରେଣ୍ଡଶିପକ୍ଲବ,ଜିଲ୍ଲା ବିଜେପି ଓ ଅନ୍ୟାନ୍ୟ ବିଭିନ୍ନ ସଂଗଠନ ପକ୍ଷରୁ କୋରୋନା କଟକଣା ଯୋଗୁଁ ଅଳ୍ପ ସଂଖ୍ୟାରେ ଲୋକ ଯୋଗ ଦିବସକୁ ପାଳନ କରିଛନ୍ତି ।
