ବୌଦ୍ଧ,୨୨/୬- ଆଜି ବୌଦ୍ଧ ଜିଲ୍ଲାରେ ୪୭ ଜଣ କରୋନା ପଜିଟିଭ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି । ଜିଲ୍ଲା ସୂଚନା ଓ ଲୋକସଂପର୍କ ଅଧିକାରୀ ରୀତାକାନ୍ତି ବଳିଆର ସିଂଙ୍କ ସୂଚନା ଅନୁଯାୟୀ ବୌଦ୍ଧସହରରୁ କରୋନା ଆକ୍ରାନ୍ତଙ୍କ ସଂଖ୍ୟା ଶୂନ ରହିଥିବାବେଳେ ୪୭ଜଣ ପଡିଟିଭ କେବଳ ଗ୍ରାମାଞ୍ଚଳରୁ ଚିହ୍ନଟ ହୋଇଛନ୍ତି । ଆଜି ବୌଦ୍ଧ ବ୍ଲକରୁ ୨ ଜଣ, ହରଭଙ୍ଗା ବ୍ଲକରୁ ୬ଜଣ , କଣ୍ଟାମାଳରୁ ୩୯ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ବୌଦ୍ଧସହରରେ ଏବେ କରୋନା ସଂକ୍ରମଣ କମୁଥିବାବେଳେ ବ୍ଲକମାନଙ୍କରେ ସଂକ୍ରମଣ ରହିଛି । ଆଜି ମଧ୍ୟ କଣ୍ଟାମାଳ ବ୍ଲକରୁ ସର୍ବାଧିକ ୩୯ଜଣ ପଜିଟିଭ ଚିହ୍ନଟ ହୋଇଛନ୍ତି । ମିଳିଥିବା ସୂଚନା ଅନୁଯାୟୀ ଆଜିପର୍ଯ୍ୟନ୍ତ ବୌଦ୍ଧ ଜିଲ୍ଲାରେ ମୋଟ ୧୧୯୯୭ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି ।
