ବୌଦ୍ଧ,୨୩/୬- ଆଜି ବୌଦ୍ଧ ଜିଲ୍ଲାରେ ୨୫ ଜଣ କରୋନା ପଜିଟିଭ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି । ଜିଲ୍ଲା ସୂଚନା ଓ ଲୋକସଂପର୍କ ଅଧିକାରୀ ରୀତାକାନ୍ତି ବଳିଆର ସିଂଙ୍କ ସୂଚନା ଅନୁଯାୟୀ ଆଜି ବୌଦ୍ଧ ବ୍ଲକରୁ ୩ ଜଣ, ହରଭଙ୍ଗା ବ୍ଲକରୁ ୧୩ ଜଣ , କଣ୍ଟାମାଳ ବ୍ଲକରୁ ୮ଜଣ ଓ ବୌଦ୍ଧ ଏନଏସିରୁ ଜଣେ ମାତ୍ର କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଆଜି ହରଭଙ୍ଗା ବ୍ଲକରୁ ସର୍ବାଧିକ ୧୩ଜଣ ପଜିଟିଭ ଚିହ୍ନଟ ହୋଇଛନ୍ତି । ମିଳିଥିବା ସୂଚନା ଅନୁଯାୟୀ ଆଜିପର୍ଯ୍ୟନ୍ତ ବୌଦ୍ଧ ଜିଲ୍ଲାରେ ମୋଟ ୧୨୦୨୨ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି । ଗତକାଲିସୁଦ୍ଧା କୋଭିଡରୁ ୧୧୫୧୪ଜଣ ସୁସ୍ଥ ହୋଇଥିବା, ଚିକିତ୍ସାଧୀନ ଆକ୍ରାନ୍ତଙ୍କ ସଂଖ୍ୟା ୪୦୬, ରିପୋର୍ଟ ଅପେକ୍ଷାରେ ୨୪୪ଜଣ ରହିଥିବା ଜିଲ୍ଲା ସୂଚନା ଓ ଲୋକସଂପର୍କ ଅଧିକାରୀ ଗଣମାଧ୍ୟମକୁ ସୂଚନା ଦେଇଛନ୍ତି । ସରକାରୀ ତଥ୍ୟ ଅନୁଯାୟୀ ଗତକାଲି ସୁଦ୍ଧା ୭୭ଜଣଙ୍କ ମୃତ୍ୟୁ ଘଟିଛି ।
