ହରଭଙ୍ଗା,୨୩/୬- ବୌଦ୍ଧଜିଲ୍ଲା ହରଭଙ୍ଗାବ୍ଲକ ମଥୁରା ଗ୍ରାମପଞ୍ଚାୟତ କେଳାକଟାଗ୍ରାମର ୧୧ନମ୍ବର ୱାର୍ଡ ତେନ୍ତୁଳି ସାହିରେ ପିଇବା ପାଣିର ସମସ୍ୟା ଲାଗି ରହିଥିବାରୁ ସ୍ଥାନୀୟ ଲୋକେ ପାଣିପାଇଁ ହନ୍ତସନ୍ତ ହେଉଥିବା ଅଭିଯୋଗ ହେଉଛି । ଉକ୍ତ ତେନ୍ତୁଳି ସାହିରେ ୬୦ଜଣ ପରିବାରଙ୍କ ପାଇଁଁ ଗୋଟିଏ ନଳକୂପ ହିଁ ଭରସା । ପୁଣି ସେଇ ନଳକୂପଟି ଖରାପଥିବାରୁ ଏକ ଘଣ୍ଟାଧରି ପାଣି ମାରିଲେ ଦୁଇ ବାଲଟି ପାଣି ବାହାରୁଥିବା ନେଇ ସ୍ଥାନୀୟ ଲୋକମାନେ କହୁଛନ୍ତି । ଏନେଇ ସ୍ଥାନୀୟ ସରପଞ୍ଚଙ୍କ ଠାରୁ ଆରମ୍ଭକରି ବିଭାଗୀୟ କର୍ତ୍ତୃପକ୍ଷଙ୍କୁ ଜଣାଇଥିଲେ ମଧ୍ୟ କିଛି ଲାଭ ହୋଇନି । ତେଣୁ ତୁରନ୍ତ ଉକ୍ତ ସାହିରେ ଏକ ନଳକୂପ ଖନନପାଇଁ ଗ୍ରାମର ୱାର୍ଡସଭ୍ୟ ଧର୍ମା ପାତ୍ରଙ୍କ ସମେତ ସନାତନ ମହାକୁଡ, ଅର୍ଜୁନ ପ୍ରଧାନ, ନରେନ୍ଦ୍ର ପ୍ରଧାନ,କିର୍ତନ ଛନ୍ଦ, ଘୁରୁଣ୍ଡୁ ବାଙ୍କ, ରାଜୁ ମେହେର, ଆକାଶ ପ୍ରଧାନ,ଶିବ ମହାକୁଡ,ପଦ୍ମ ବେହେରା ପ୍ରମୁଖ ଦାବିକରିଛନ୍ତି । ନଚେତ ଆଗାମୀ ଦିନରେ ପଂଚାୟତ ଆଗରେ ଧାରଣାରେ ବସିରହୁବୁ ବୋଲି ଚେତାବନୀ ଦେଇଛନ୍ତି ।
